الماتىدا توناۋعا قاتىسقان سودىرلار باتىس قازاقستان اۋماعىندا ۇستالدى
ق ر ىشكى ىستەر مينيسترلىگى جەدەل شتابىنىڭ مالىمەتىنشە، بۇگىن ساعات 03:30 شاماسىندا باتىس قازاقستان وبلىسىنىڭ اۋماعىنداعى بلوكپوستتاردىڭ بىرىندە «تويوتا الفارد» ماركالى كولىك توقتاتىلدى. پوليتسيا قىزمەتكەرلەرىنىڭ كولىك باگاجىن اش دەگەن تالابىنا جۇرگىزۋشى باس تارتقان. پوليتسيا قىزمەتكەرلەرى جولاۋشىلاردىڭ جەكە زاتتارىن ءتىنتۋ بارىسىندا ءبىر ادامنان پىشاق تاۋىپ العان. قىزمەتكەرلەردىڭ «سالوندا تىيىم سالىنعان زاتتار بار ما؟ « دەگەن ساۋالىنا كولىك جۇرگىزۋشىسى «جوق» دەپ جاۋاپ بەرگەن.
پوستقا جەتكەن پوليتسيا قىزمەتكەرلەرى اتالعان كولىكتى اباي اۋىلدىق پوليتسياسىنا اپارۋ تۋرالى شەشىم قابىلداعان. جولدا «تويوتا الفارد» كولىگى بوي تاسالاۋعا تىرىسقانىمەن پاترۋلدىك اۆتوماشينا ونى كۇشتەپ توقتاتقان.
«اۆتكولىكتى ءتىنتۋ بارىسىندا پوليتسيا قىزمەتكەرلەرى جۇكسالعىشتان كوزدەن جاس اعىزاتىن گراناتا، تەگىس ۇڭعىمالى مىلتىق وقتار، ءتۇرلى ماركاداعى ەلۋدەن استام ۇيالى تەلەفون، التى پلانشەت جيىرما ءۇش سمارت ساعات، سونمەن قاتار وزگە دە گادجەتتەر مەن اكسەسسۋارلار تاۋىپ الدى. مۇنان بولەك، ۇرلىققا قارسى ماگنيت بيركالارى الىنباعان بىرنەشە سومكە كيىم كەشەك تابىلدى. اتالعان فاكتى بويىنشا سوتقا دەيىنگى تەرگەۋ باستالدى. ۇستالعانداردى تەرگەۋ امالدارى جۇرگىزىلىپ جاتىر. اۆتوماشينا ارناۋلى كولىك تۇراعىنا قويىلدى»، دەدى ۆەدومستۆودان.
مينيسترلىكتىڭ اتاپ وتۋىنشە، ۇستالعان دەسترۋكتيۆتى ءدىني اعىم وكىلدەرى جانە ولار الماتىداعى توناۋ اكتىلەرىنە جانە نارازىلىق اكسيالارىنا قاتىسقان. ۇستالعانداردىڭ سوزىنە قاراعاندا، گراناتا مەن وقتاردى الماتىداعى تانىستارىنان ساتىپ العان. ال سمارتفوندار مەن اكسەۋارلاردى، كيىم كەشەكتەردى دۇكەندەردى توناۋ كەزىندە الىپ كەتكەن.
