قازاقستاندا تەمىرجول تاسىمالى تولىق قالپىنا كەلتىرىلدى

«بۇعان دەيىن جابىق بولعان ماقات، ارال تەڭىز، بەينەۋ، ماڭعىستاۋ، سەكسەۋىل ستانسالارىنان جولاۋشىلار پويىزى ءوتىپ جاتىر. ەرەۋىلشىلەردىڭ ارەكەتى سالدارىنان جابىلعان بارلىق ستانسالار اشىلدى. قازىرگى ۋاقىتتا تۇرىپ قالعان بارلىق پويىزدار بەلگىلەنگەن باعىتتاعى ستانسالارىنا بارا جاتىر. توقتاتىلعان 25 جولاۋشىلار پويىزى ساعات 14:00-دەن باستاپ كەستەگە سايكەس قالپىنا كەلتىرىلەدى. الايدا، بۇعان دەيىنى پويىزداردىڭ كىدىرۋىن ەسەپكە العاندا، كەيبىر پويىزدار كەشىگىپ جەتەدى»، - دەدى كومپانيانىڭ باسپا ءسوز قىزمەتىنەن.

بۇعان دەيىن توقتاتىلعان 129 جۇك پويىزىنىڭ 75 قۇرامى ۋاقىتشا جۇرمەي تۇر. «ق ت ج» ۇ ك» ا ق ينتەرنەت پەن بانك وپەراتسيالارى قالپىنا كەلگەنگە دەيىن كاسىپورىندار مەن كولىك كومپانيالارى ءۇشىن تولەم مەرزىمىن كەشىكتىرۋگە رۇقسات ەتتى. ۇلتتىق كومپانيا ت ج رەجيمى كەزىندە ايىپپۇل سانكسيالارىن سالمايدى.

قازىرگى شەكتەۋلەرگە سايكەس، «ق ت ج» ۇ ك» اق جولعا شىعاتىن جولاۋشىلاردىڭ ۆوكزالعا ەرتە كەلۋىن، ال ساپارلاپ كەلگەن جولاۋشىلاردىڭ جول ءجۇرۋ بيلەتىن ساقتاۋىن سۇرايدى.

سونداي- اق، كومپانيادان ت ج كەزىندە كەز كەلگەن باعىتقا جول جۇرۋدەن باس تارتقان جاعدايدا «جولاۋشىلار تاسىمالى» اق بيلەتتىڭ تولىق قۇنىن قايتاراتىنىن حابارلادى. جولاۋشىلار اقشا الۋ ءۇشىن 6 ايدىڭ ىشىندە بيلەت كاسسالارىنا بارا الادى.

اۆتور: اقبوپە ءابدراسۋل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى