قازاقستاننىڭ ساۋدا جەلىلەرى الىپساتارلىققا جول بەرمەيدى - مينيسترلىك
قازىرگى ۋاقىتتا ساۋدا مينيسترلىگىنە ازاماتتاردان ازىق- تۇلىك ءۇشىن تولەم كارتوچكالارى جانە ونلاين ارقىلى تولەم جاساۋدىڭ مۇمكىن ەمەستىگىنە قاتىستى كوپتەگەن شاعىمدار كەلىپ تۇسۋدە كونترتەرروريستىك وپەراتسياعا بايلانىستى ينتەرنەتكە قولجەتىمدىلىك بۇعاتتالعان جانە سونىڭ سالدارىنان ساۋدا وبەكتىلەرىندە تاۋارلار ءۇشىن قولما-قول اقشاسىز تولەم جاساۋ مۇمكىن بولمادى. تۇراقتاندىرۋ جانە قاۋىپسىزدىك ماقساتتارىنان تۋىنداعان ءماجبۇرلى شارالارعا تۇسىنىستىكپەن قاراۋدى جانە وسى كەزەڭدە ساۋدا وبەكتىلەرىنىڭ جۇمىسى تولىق قالپىنا كەلتىرىلگەنگە دەيىن قولما- قول ەسەپ ايىرىسۋعا كوشۋدى سۇرايمىز.
جالپى، قازىرگى ۋاقىتتا كوپتەگەن وڭىرلەردە ساۋدا سالاسىنداعى جاعداي تۇراقتى، توناۋ سالدارىنان زارداپ شەككەن الماتى، تالدىقورعان، ورال، شىمكەنت جانە تاراز قالالارىنداعى ءبىرقاتار ساۋدا وبەكتىلەرىن قوسپاعاندا، ساۋدا وبەكتىلەرىنىڭ جۇمىسى شتاتتىق رەجيمدە جالعاسۋدا.
ايتا كەتەيىك، 25 سپورتماستەر دۇكەنى، 14 تەحنودوم دۇكەنى، 12 ماگنۋم دۇكەنى، 11 سۋلپاك دۇكەنى، 11 Kimex دۇكەنى، 8 Mon Amie دۇكەنى، 7 Alser دۇكەنى، سونداي-اق ينتەرتوپ، مەترو، ۆايلەت، ەۆريكا جانە Kari دۇكەندەرى. الدىن الا باعالاۋلار بويىنشا، زالال مولشەرى شامامەن 26,2 ميلليارد تەڭگەنى قۇرادى (ماگنۋم - 10 ميلليارد تەڭگە، تەحنودوم - 5,5 ميلليارد تەڭگە، سۋلپاك - 5,14 ميلليارد تەڭگە، سپورتماستەر - 3 ميلليارد تەڭگە، Alser - 1,5 ميلليارد تەڭگە، Kimex - 1 ميلليارد تەڭگە، ينتەرتوپ جانە ەۆريكا - 50 ميلليون تەڭگە). سونداي-اق، بۇگىنگى كۇنى نەگىزگى ازىق-تۇلىك قورلارى جەتكىلىكتى بولىپ قالاتىنىن اتاپ وتەمىز.
بۇل رەتتە ازىق-تۇلىك ونىمدەرىن ۇزدىكسىز جەتكىزۋ ءۇشىن بارلىق قاجەتتى جاعدايلاردى ساۋدا وبەكتىلەرى جەرگىلىكتى اتقارۋشى ورگانداردىڭ قولداۋىمەن جاسايدى. وسىعان بايلانىستى، ەل تۇرعىندارىنا ازىق- تۇلىك تاپشىلىعى تۋرالى الاڭداۋشىلىق ءۇشىن ەشقانداي سەبەپ جوق ەكەنىن حابارلايمىز. سونداي-اق ساۋدا وبەكتىلەرىنىڭ قىزمەتىندە تاماق ونىمدەرىنە باعا بەلگىلەۋ كەزىندە الىپساتارلىققا جول بەرىلمەيدى جانە جول بەرىلمەيدى.
سونىمەن بىرگە، ساۋدا سالاسىنداعى، ونىڭ ىشىندە باعالار ماسەلەلەرى بويىنشا ازاماتتار جەرگىلىكتى اتقارۋشى ورگاندارعا (اكىمدىكتەرگە)، ق ر ساۋدا جانە ينتەگراتسيا مينيسترلىگىنە جانە ق ر ي س م تۇتىنۋشىلاردىڭ قۇقىقتارىن قورعاۋ جونىندەگى بەيىندى كوميتەتكە جۇگىنۋگە قۇقىلى ەكەنىن ەسكە سالامىز.
ق ر ساۋدا جانە ينتەگراتسيا مينيسترلىگى مەن تۇتىنۋشىلاردىڭ قۇقىقتارىن قورعاۋ كوميتەتىنە جازباشا ءوتىنىش بەرۋ ماسەلەلەرى بويىنشا مىنا تەلەفون ارقىلى حابارلاسۋعا بولادى 87172750672، 750677، 750688، 87751352338, 87083409649 (كەڭسە).
سونداي-اق، تۇتىنۋشىلاردىڭ قۇقىقتارىن قورعاۋ كوميتەتىندە تۇتىنۋشىلاردىڭ قۇقىقتارى ماسەلەلەرى بويىنشا كونسۋلتاتسيالار الۋ ءۇشىن مىناداي نومىرلەر بويىنشا قوڭىراۋلار قابىلدانادى: 87172749832، 749836 جانە 751632، 87787956329.
