جاپپاي تارتىپسىزدىك ۇيىمداستىرعاندارعا قانداي جازا قاراستىرىلعان
ەسكە سالا كەتەيىك، باس پروكۋراتۋرا ەلدە جاپپاي تارتىپسىزدىك ۇيىمداستىرۋ جانە وعان قاتىسۋ، سونداي- اق تەرروريستىك اكتى فاكتىلەرى بويىنشا قىلمىستىق ءىس قوزعادى. وسىلايشا قىلمىستىق كودەكستىڭ ەكى بابى بويىنشا تەكسەرۋ ءجۇرىپ جاتىر. ول ءۇشىن پرەزيدەنت تاپسىرماسىمەن ۆەدومستۆوارالىق جەدەل تەرگەۋ توبى قۇرىلعان. توپ قۇرامىنا ءى ءى م، ۇ ق ك جانە باسقا دا قۇقىق قورعاۋ ورگاندارىنىڭ تاجىريبەلى قىزمەتكەرلەرى ەندى. ولار ارنايى پروكۋروردىڭ جەتەكشىلىگىمەن تەرگەۋ جۇرگىزەدى. قىلمىستىق كودەكستىڭ وسى باپتارى بويىنشا 8 جىلدان باستاپ ءومىر بويىنا دەيىن باس بوستاندىعىنان ايىرۋ جانە ازاماتتىعىن الىپ قويۋ جازاسى قاراستىرىلعان.
«بۇگىنگى تاڭدا قىلمىس ايعاقتارىن جيناۋ جانە فيكساتسيالاۋ جۇمىسى ءجۇرىپ جاتىر. وسىعان بايلانىستى ازاماتتارعا ءوتىنىش، ۇيالى تەلەفونىڭىزدىڭ كامەراسىنا ءتۇسىرىپ العان قۇقىق بۇزۋ كورىنىستەرىن وشىرمەڭىزدەر. قىلمىستى اشۋعا كومەكتەسەتىن قانداي دا ءبىر مالىمەت بىلەتىن بولساڭىزدار، 115 نومىرىندەگى كولل- ورتالىققا حابارلاسۋلارىڭىزدى سۇرايمىز» دەپ ءمالىم ەتتى باس پروكۋراتۋرانىڭ ارنايى پروكۋرورلار قىزمەتىنىڭ باستىعى ريزابەك وجاروۆ.
