اقتاۋداعى الاڭعا جينالعاندار بىرتىندەپ تاراي باستادى
تەلەارنا ءتىلشىسىنىڭ مالىمەتىنشە، قالاداعى احۋال ءالى دە كۇردەلى.
«ينتەرنەت ءالى دە قوسىلمادى، ءموبيلدى بايلانىس ىركىلىسپەن ىستەپ تۇر. سۋپەرماركەتتەر، دۇكەندەر جۇمىسىن توقتاتقان. شاعىن ساۋدا ورىندارى بار، الايدا بۇل جەرلەردە تاۋار تەك قولما- قول اقشاعا وتكىزىلىپ جاتىر. بانكوماتتاردا اقشا شەشىپ الۋ مۇمكىن ەمەس»، - دەدى تەلەارنا ءتىلشىسى.
بەلگىلى بولعانداي الاڭداعى حالىق بىرتىندەپ ۇيلەرىنە تاراپ جاتىر.
«كەيبىر ادامدار «ىنتىماق» الاڭىنان بىرتىندەپ تاراپ جاتىر. اقتاۋداعى الاڭدا ادامدار ءالى دە تۇرعانىن بايقاۋعا بولادى. الايدا وسىعان دەيىن الاڭعا تۇرعىنداردى شاقىرعان بەلسەندىلەر، ەندى سابىرعا شاقىرىپ، حالىقتى ۇيلەرىنە تاراۋعا جانە جينالماۋعا ۇندەۋ جاساپ جاتىر. سونىمەن قاتار، قالا كومەندانتى ۇندەۋ جاساپ، اقتاۋلىقتاردى ارانداتۋ ارەكەتتەرىنە ەرمەۋگە شاقىردى. سەبەبى ولاردىڭ بارلىق زاڭسىز ءىس- قيمىلى زاڭمەن قۋدالانادى»، - دەدى تەلەارنا ءتىلشىسى.
اۆتور: رۋسلان عابباسوۆ
