توتەنشە جاعداي: ەلىمىزدە قانشا بانك زاقىمداندى
حابار-24 تەلەارناسىنىڭ مالىمەتىنشە، ەلىمىزدە بۇزاقىلاردىڭ شابۋىل سالدارىنان Kaspi bank-تىڭ 4 بولىمشەسى زاقىمداندى. ولاردىڭ ۇشەۋى الماتى قالاسىندا، ال بىرەۋى تاراز قالاسىندا ورنالاسقان.
ايتا كەتەيىك، ق ر ۇلتتىق بانكىنىڭ باسپا ءسوز حاتشىسى ولجاس رامازانوۆ ەلىمىز بويىنشا بارلىق ەكىنشى دەڭگەيلى بانكتەر مەن قازاقستان قور بيرجاسىنىڭ جۇمىسى ۋاقىتشا توقتاتىلعانىن ءمالىم ەتكەن بولاتىن.
«قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى ءبىرقاتار وڭىردە كۇش قۇرىلىمدارىنىڭ كونترتەرروريستىك وپەراتسيا جۇرگىزۋىنە جانە ينتەرنەت جۇيەسىندەگى ۋاقىتشا ىركىلىستەرگە بايلانىستى، سونداي-اق، قىزمەتكەرلەر مەن قارجى قىزمەتتەرىن تۇتىنۋشىلاردىڭ قاۋىپسىزدىگى ءۇشىن بارلىق قارجى ۇيىمدارىنىڭ سونىڭ ىشىندە ەكىنشى دەڭگەيلى بانكتەردىڭ قازاقستان قور بيرجاسىنان، باعالى قاعازداردىڭ ورتالىق دەپوزيتاريىنىڭ جۇمىسىن 2022 -جىلعى 6-قاڭتاردا ۋاقىتشا توقتاتۋ قاجەتتىگى تۋرالى حابارلايدى»، - دەدى ۇلتتىق بانكتىڭ باسپا ءسوز حاتشى.
