توتەنشە جاعداي رەجيمىن بۇزعاندار قانداي جاۋاپكەرشىلىككە تارتىلادى

بۇل تۋرالى «قازاقپارات» حالىقارالىق اگەنتتىگى «حابار-24» تەلەارناسىنا سىلتەمە جاساپ حابارلايدى.

«توتەنشە جاعداي تۋرالى زاڭعا سايكەس، كومەندانتتىق ساعات تالاپتارىنا بوي ۇسىنباعاندار قاماۋعا الىنادى. قاۋىپسىزدىكتى قامتاماسىز ەتۋشى قىزمەتتەر رەجيمدى بۇزۋشىلاردىڭ وزدەرىنە دە، كولىكتەرىنە دە ءتىنتۋ جۇرگىزە الادى. توتەنشە جاعداي كەزىندە پوليتسيا جۇمىسىنا كەدەرگى كەلتىرۋ، اسكەري مۇلىكتى قاساقانا جويۋ جانە زاقىمداۋ ارەكەتتەرى ءۇشىن باس بوستاندىعىنان ايرىۋ جازاسى تاعايىندالادى»، - دەلىنگەن باس پروكروكۋراتۋرانىڭ مالىمدەمەسىندە.

توتەنشە جاعداي كەزىندە بيلىك وكىلدەرىنىڭ تالابى مەن نۇسقاۋلارىنا باعىنباۋ 2 جىلعا دەيىن باس بوستاندىعىنان ايىرۋ جازاسى قاراستىرىلعان.

ال توتەنشە جاعداي رەجيمى كەزىندە كورىنەۋ جالعان اقپارات بەرگەندەر 3 تەن 7 جىلعا باس بوستاندىعىنان ايىرىلادى

توتەنشە جاعداي رەجيمى كەزىندە قارۋدى، وق- ءدارىنى، قوزعالىس قۇرالدارىن، اسكەري تەحنيكا جانە وزگە دە مۇلىكتى قاساقانا جويۋ جانە زاقىمداۋ ارەكەتىن جاساعاندار 10 نان 12 جىلعا دەيىن باس بوستاندىعىنا ايرىلىۋى مۇمكىن.

توتەنشە جاعداي رەجيمى كەزىندە قۇقىقتىق ءتارتىپتى بۇزۋ ارەكەتتەرى 15 تەن 30 تاۋلىككە دەيىن قاماۋعا الىنادى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى