قازاقستاندا زەينەتاقى مەن مەملەكەتتىك جاردەماقىلاردىڭ مولشەرى ءوستى
«2022-2024 -جىلدارعا ارنالعان رەسپۋبليكالىق بيۋدجەت تۋرالى» زاڭعا سايكەس 2022 -جىلعى 1- قاڭتاردان باستاپ جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنىڭ مولشەرى % 7 - عا، ياعني ينفلياتسيا دەڭگەيىنەن % 2 - عا ىلگەرىلەپ ارتتىرىلدى. بۇل رەتتە جاسى بويىنشا ەڭ تومەنگى زەينەتاقى مولشەرى 46302 تەڭگەنى قۇرادى.
بازالىق زەينەتاقى تولەمىنىڭ مولشەرى % 5 - عا ارتتىرىلدى. 2022 -جىلعى 1- قاڭتاردان باستاپ ونىڭ ەڭ تومەنگى مولشەرى 19450 تەڭگەنى قۇرايدى.
ناتيجەسىندە بازالىق زەينەتاقى تولەمىن ەسكەرە وتىرىپ، ەڭ تومەنگى زەينەتاقى مولشەرى 1 - قاڭتاردان باستاپ 65752 تەڭگەنى قۇرايدى.
بۇل ءوسىم 2,2 ميلليون زەينەتكەرگە قاتىستى.
بۇدان باسقا، 2022 -جىلعى 1- قاڭتاردان باستاپ ەڭ تومەنگى كۇنكورىس دەڭگەيى شاماسىنىڭ وزگەرۋىنە بايلانىستى جاردەماقىلاردىڭ مىناداي تۇرلەرى %5 - عا ارتتىرىلدى:
- مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار؛
- مۇگەدەكتىگى بار بالالاردى تاربيەلەپ وتىرعان اتا- انالارعا، قامقورشىلارعا بەرىلەتىن مەملەكەتتىك جاردەماقى؛
- I توپتاعى مۇگەدەككە كۇتىم جاسايتىن وتباسىلارعا (ادامدارعا) بەرىلەتىن مەملەكەتتىك جاردەماقى؛
ايلىق ەسەپتىك كورسەتكىش مولشەرىنىڭ ۇلعايۋىنا بايلانىستى 1- قاڭتاردان باستاپ كەلەسى جاردەماقىلاردىڭ مولشەرى %5 - عا ارتتى:
- №1 جانە №2 تىزىمدەر بويىنشا مەملەكەتتىك ارنايى جاردەماقىلار؛
- بالا ءبىر جاسقا تولعانعا دەيىن ونىڭ كۇتىمىنە بايلانىستى مەملەكەتتىك جاردەماقىلار؛
- بالا تۋعاندا بەرىلەتىن ءبىرجولعى مەملەكەتتىك جاردەماقى؛
- ارنايى مەملەكەتتىك جاردەماقىلار؛
- «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان جانە «انا داڭقى» وردەنىمەن ماراپاتتالعان كوپبالالى انالارعا ارنايى مەملەكەتتىك جاردەماقىلار؛
- بىرگە تۇراتىن ءتورت جانە ودان دا كوپ كامەلەتكە تولماعان بالالارى، ونىڭ ىشىندە كامەلەتتىك جاسقا تولعاننان كەيىن ءبىلىم بەرۋ ۇيىمدارىن بىتىرەتىن ۋاقىتقا دەيىن (ءبىراق جيىرما ءۇش جاسقا تولعانعا دەيىن) ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى وقۋ نىسانى بويىنشا وقيتىن بالالارى بار كوپبالالى وتباسىلارعا بەرىلەتىن مەملەكەتتىك جاردەماقىلار؛
- سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتارعا جانە جاپپاي ساياسي قۋعىن- سۇرگىن قۇرباندارىنا تاعايىندالعان، ءبىراق تولەنبەگەن ءبىرجولعى اقشالاي وتەماقىلار.
«مىندەتتى الەۋمەتتىك ساقتاندىرۋ تۋرالى» زاڭعا سايكەس ءماسق- دان ەڭبەك ەتۋ قابىلەتىنەن ايرىلۋ جانە اسىراۋشىسىنان ايرىلۋ جاعدايلارىنا تولەنەتىن الەۋمەتتىك تولەمدەردىڭ مولشەرى دە % 5 - عا ارتتىرىلدى.
