ا ق ش، ۇلى بريتانيا، فرانسيا، قىتاي جانە رەسەي باسشىلارى يادرولىق سوعىسقا قارسى بىرلەسكەن مالىمدەمە قابىلدادى
بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.
«قىتاي حالىق رەسپۋبليكاسى، رەسەي فەدەراتسياسى، ۇلى بريتانيا جانە سولتۇستىك يرلانديا بىرىككەن كورولدىگى، امەريكا قۇراما شتاتتارى، فرانسيا رەسپۋبليكاسى يادرولىق قارۋى بار مەملەكەتتەر اراسىنداعى سوعىسقا جول بەرمەۋدى جانە ستراتەگيالىق تاۋەكەلدەردى ازايتۋدى وزدەرىنىڭ ءبىرىنشى كەزەكتەگى جاۋاپكەرشىلىگى دەپ ەسەپتەيدى. ءبىز يادرولىق سوعىستا جەڭىمپازدار بولمايتىنىن جانە ونى ەشقاشان تۇتانباۋى كەرەك ەكەنىن مالىمدەيمىز»، - دەلىنگەن قۇجاتتا.
مالىمدەمە ماتىنىندە الەمدە يادرولىق قارۋ- جاراقتىڭ ودان ءارى تارالۋىنا جول بەرمەۋ كەرەكتىگى ايتىلعان. «ءارقايسىمىز يادرولىق قارۋدى رۇقساتسىز نەمەسە ابايسىزدا قولدانۋدىڭ الدىن الۋ جونىندەگى ۇلتتىق شارالاردى ساقتاۋعا جانە ەكەنىن تاعى دا مالىمدەيمىز جانە قولىمىزداعى يادرولىق قارۋ ءبىر- بىرىمىزگە نەمەسە كەز كەلگەن باسقا مەملەكەتكە باعىتتالمايتىنىن راستايمىز»، - دەپ جازىلعان مالىمدەمەدە.
اۆتور: ەسىمجان ناقتىباي
