نۇرلان نوعايەۆ جاڭاوزەن تۇرعىندارىن ماسەلەنى سىندارلى ديالوگ ارقىلى شەشۋگە شاقىردى
نۇرلان نوعايەۆ جينالعاندارعا مەملەكەت باسشىسى قاسىم- جومارت توقايەۆتىڭ تاپسىرماسى بويىنشا جاڭاوزەن قالاسىنداعى جاعدايعا قاتىستى ۇكىمەت قابىلداعان شارالاردى ءتۇسىندىردى.
قازىرگى تاڭدا ق ر پرەمەر- ءمينيسترى ا. ماميننىڭ وكىمىمەن ماڭعىستاۋ وبلىسىنداعى الەۋمەتتىك- ەكونوميكالىق جاعدايدى قاراستىرۋ ءۇشىن ۇكىمەتتىك كوميسسيا قۇرىلدى. ۇكىمەت سۇيىتىلعان مۇناي گازىنىڭ باعاسىن رەتتەۋ بويىنشا ءبىرقاتار شارالاردى ىسكە اسىرادى. ءوڭىر باسشىسى وبلىستاعى ا ج ق س يەلەرى بيزنەستىڭ الەۋمەتتىك جاۋاپكەرشىلىگى اياسىندا باستاماشىلىق تارتىپپەن گاز قۇنىن ليترىنە 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلداعانىن جەتكىزدى.
باعا دالىزدەرىن بەلگىلەۋ ارقىلى باعانىڭ ۇزاق مەرزىمدى تۇراقتىلىعىن قامتاماسىز ەتۋ جانە گاز باعاسىنىڭ الىپساتارلىق كوتەرىلۋىنە جول بەرمەۋدىڭ جۇيەلى شارالارى جۇزەگە اسىرىلاتىن بولادى.
ايتا كەتەيىك، باسەكەلەستىكتى قورعاۋ جانە دامىتۋ اگەنتتىگى اجقس يەلەرىنە قاتىستى باعالىق ءسوز بايلاسۋ بويىنشا تەرگەۋدى باستادى. وبلىس اكىمى جينالعانداردى ماسەلەنى زاڭ اياسىندا، سىندارلى ديالوگ ارقىلى شەشۋگە شاقىردى.
