ادامدى اقىلدى ەتەر تاعامدار

ەندەشە سونداي تاعامداردىڭ كەيبىرىنە توقتالايىق.

بالىق. بالىقتىڭ ىشىندە لوسوس اتتى تۇرىندە ومەگا-3 قىشقىلىنىڭ مول قورى بولادى. ول مي جۇمىسى مەن جۇرەك جۇمىسىن جاقسارتاتىن قابىلەتكە يە. اعزادا ومەگا-3 ازايىپ كەتسە، ادامنىڭ ەستە ساقتاۋى ناشارلايدى، كوڭىل-كۇيى ءتۇسىپ، شارشاڭقى كۇيگە تۇسەدى. تۋنەتس پەن پالتۋس بالىعىندا دا ومەگا-3 كوپ بولادى.

جاڭعاق. مي جۇمىسىن جاقسارتۋمەن بىرگە كوڭىل-كۇيدى تۇراقتاندىرادى. جاڭعاقتا ە دارۋمەنى مول. ول ميدىڭ كوگنيتيۆتى قىزمەتىن جاقسارتادى. جاڭعاقتا دا ومەگا-3 كە تيەسىلى ءتۇرلى قىشقىلداردىڭ مول قورى جيناقتالعان. جاڭعاق بالانىڭ دا، ەرەسەك جانداردىڭ دا ەستە ساقتاۋىن جاقسارتادى.

جاسىل ءشوپ. ورامجاپىراق پەن شپينات، باسقا دا جاسىل ءشوپ ساناتىنا جاتاتىن وسىمدىكتەردە ە مەن ك دارۋمەنىنىڭ، تەمىر مەن كالتسي، فولي قىشقىلىنىڭ مول قورى بار. ەرەسەك نە ەگدە جاسقا جەتكەن كىسىلەرگە جاسىل شوپتەر جەۋدىڭ پايداسى مول. ول دا ميدىڭ كوگنيتيۆتى قىزمەتىن جاقسارۋعا كومەكتەسەدى.

قاراجيدەك. قاراجيدەكتىڭ قۇرامىنداعى انتيوكسيدانتتار اعزادا ەركىن راديكالدارعا اينالىپ، اعزادا كۇيزەلىستىڭ جيناقتالۋىن بولدىرمايدى. ال بۇل ءوز كەزەگىندە مي ەرتە قارتايۋدان ساقتايدى. قاراجيدەك ەستە ساقتاۋدى جاقسارتادى ءارى ەستەن تانۋ، ەس جوعالتۋدىڭ الدىن الادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى