مۋزىكامەن شۇعىلدانۋ بالانىڭ ميىن جەتىلدىرەدى

وسىلاي دەيدى ا ق ش- تىڭ ديۋك ۋنيۆەرسيتەتىنىڭ عالىمدارى.

بالا ءتىل ۇيرەنۋگە، مۋزىكانى يگەرۋگە تىرىسقاندا، ميدىڭ كوگنيتيۆتى قورى قۇرىلىپ، ءبىر-بىرىمەن بايلانىسى كۇشەيەتىن كورىنەدى. سودان نەيروپاتيا مەن ميدىڭ قارتايۋ سىندى بەلگىلەر جويىلادى.

عالىمدار ديففۋزيالىق تەنزورلىق ۆيزۋاليزاتسيا ارقىلى ميداعى اق زاتتىڭ كولەمى مەن جۇيكە تالشىقتارىنىڭ، ميدىڭ ءارتۇرلى بولىگىنىڭ ءبىر-بىرىمەن اقپارات الماسۋ تۇتاستىعىن زەرتتەپ كورگەن.

ادام قارتايۋعا بەت العاندا ميداعى اق زاتتىڭ تۇتاستىعى تومەندەپ، كوگنيتيۆتى مۇمكىندىگى ازايا باستايدى. ال ميىندا سەنسوموتورلى بەلسەندىلىگى جوعالماعان ادامنىڭ قارتايۋى دا از جۇرەدى. ويلاۋ جانە كوگنيتيۆتى ويلاۋ جۇيەسى جاقسارادى.

نەيروبيولوگتار 20-67 جاس ارالىعىنداعى سەگىز مۋزىكانتتىڭ ميىن سكانەردەن وتكىزگەن. مۋزىكانتتار كۇنىنە 3 ساعاتىن مۋزىكاعا ارنايدى ەكەن. تەكسەرىس بارىسىندا مۋزىكانتتاردىڭ ميىنداعى اق زاتتىڭ ءبىر-بىرىمەن بايلانىسى جانە وريەنتاتسياسىن، ونىڭ كولەمىن كورسەتەتىن فراكتسيوندى انيزوتروپيانىڭ دەڭگەيى جوعارى بولىپ شىققان. بۇل دەگەنىمىز - مۇنداي ادامداردىڭ ميىنىڭ كوگنيتيۆتى قورى مول دەگەن ءسوز. كوگنيتيۆتى قور جاس كەلگەن سايىن ازاياتىنى زاڭدى.

الايدا مۋزىكامەن بەلسەندى اينالىساتىن ادامداردىكى كوگنيتيۆتى قور ازايۋدىڭ ورنىنا، كوبەيىپ وتىراتىنى بەلگىلى بولدى.

سودان مۋزىكامەن اينالىسۋ مەن كوپ ءتىلدى ۇيرەنۋ ادامنىڭ كوگنيتيۆتى فۋنكتسياسىن جاقسارتىپ، ويلاۋ قابىلەتىن كۇشەيتەتىنى انىقتالدى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى