شوقان ءۋاليحانوۆتىڭ بەينەسى بار مونەتا عارىشقا اپارىلدى

انۋاربەك بالاحمەتوۆ - وتىز جىلدان استام ۋاقىتىن عارىش كەڭىستىگىن زەرتتەۋگە ارناعان زاپاستاعى وفيتسەر. ول مونەتالاردىڭ، ماركالاردىڭ، كونۆەرتتەردىڭ، اشىق حاتتاردىڭ، فوتوسۋرەتتەردىڭ، كىتاپتاردىڭ جانە ادامنىڭ عارىشتى يگەرۋىن بەينەلەيتىن فيلمدەردىڭ بىرەگەي كوللەكسياسىن جينادى. ەكسپوناتتار اراسىندا عارىشتىق بەلگىلەر مەن شيەۆروندار، ايگىلى الەم عارىشكەرلەرىنىڭ ەكسكليۋزيۆتى فوتوسۋرەتتەرى بار.

عارىشقا ساياحات جاساعان ش. ءۋاليحانوۆتىڭ بەينەسى بار مونەتا ەرەكشە قۇندى. كوللەكسيونەردىڭ ايتۋىنشا، شوقان مونەتاسى 2015 -جىلدىڭ قىركۇيەگىندە ايدىن ايىمبەتوۆ عارىشقا ۇشۋى كەزىندە حالىقارالىق عارىش ستانساسىنىڭ (ح ع س) بورتىندا بولدى. مونەتانىڭ فوتوسى تەرەزەدەن جەر فونىندا تۇسىرىلگەن. قازىر مونەتانىڭ ءبىر داناسى سولتۇستىك قازاقستان وبلىسى، ايىرتاۋ اۋدانى، سىرىمبەت اۋىلىنداعى شوقان ءۋاليحانوۆتىڭ تۋعان جەرىندەگى «ايعانىم قونىسى» مۇراجايىندا ساقتاۋلى.

ال عارىشتا بولعان ەكىنشى شوقان مونەتاسى (انالوگى) الماتى قالاسىنداعى ۇلتتىق بانك مۇراجايىنا تاپسىرىلدى.

ايتا كەتەيىك، ءانۋار بالاحمەتوۆ قازاقستانداعى عارىشقا ارنالاعان فورۋمدار مەن كورمەلەردىڭ قاتىسۋشىسى. ونىڭ عارىشتى يگەرۋگە، ح ع س- قا، بايقوڭىر عارىش ايلاعىنا ادام باسقاراتىن ۇشۋلارعا ارنالعان جيناعى قازاقستان رەسپۋبليكاسىنىڭ ماسكەۋدەگى ەلشىلىگىنىڭ، سونداي- اق سيفرلىق دامۋ، يننوۆاتسيالار مينيسترلىگىنىڭ اەروعارىش كوميتەتى باسشىلىعىنىڭ گراموتالارىمەن ماراپاتتالدى.

«مەن ءۇشىن بۇل جاي عانا حوببي ەمەس، ازاماتتىڭ، ءوز ەلىنىڭ پاتريوتىنىڭ ۇستانىمى - ادامزاتتىڭ عارىشقا جولى ءوز جەرىنەن باستاۋ العان ءبىزدىڭ ەلىمىزدە، قازاقستاندا عارىشتى يگەرۋدى كەڭىنەن ناسيحاتتاۋ»، - دەپ اتاپ ءوتتى ءانۋار بالاحمەتوۆ.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى