اقمولا وبلىسىندا التىن كەنىن وڭدەيتىن جاسىرىن سەح انىقتالدى

زاڭسىز ءوندىرىس وشاعىنان 1 جارىم توننا التىن قۇرامداس ماتەريال، 3 ۇگىتۋ قوندىرعىسى، ەلەكتروندى تارازىلار، بىرنەشە سۋىق قارۋ مەن باسقا دا ايعاقتى زاتتار تابىلىپتى. قازىر اتالعان ىسكە قاتىستى قىلمىستىق ءىس قوزعالىپ، سوتقا دەيىنگى تەرگەۋ ءجۇرىپ جاتىر.

ايتا كەتەيىك، ايماق پوليتسەيلەرى بۇعان دەيىن دە ستەپنوگورسك وڭىرىنەن التىن كەنىن استىرتىن ساتۋمەن اينالىسىپ كەلگەن ۇيىمداسقان قىلمىستىق توپتى ۇستاعان بولاتىن.

باحتيار سۇلەيمەنوۆ، وبلىستىق پ د باستىعىنىڭ ورىنباسارى:

- بۇل ءبىزدىڭ قاراپ جاتقان ءبىرىنشى ءىس ەمەس. بۇعان دەيىن ءدال وسىنداي 3 بىردەي قىلمىستىق ءىس تەرگەلىپ، ولاردىڭ بىرەۋى قازىر سوتتا قارالىپ جاتىر. ال قالعان ەكى جاعداي بويىنشا باس- اياعى 56 كۇدىكتى سۇراققا الىندى. الداعى ۋاقىتتا ولاردىڭ ءىسى دە سوتقا جولدانىپ، ايىپتىلار ءتيىستى جازاسىن الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى