وميكرون الەم ەكونوميكاسىنا قاۋىپ ءتوندىردى

ساراپشىلار بۇل وميكرونعا بايلانىستى تۋىنداعان جاعداي ەكەنىن ايتادى. قازىر ناۋقاستار اراسىندا تەز تارالاتىن شتامدى جۇقتىرعانداردىڭ ۇلەسى 60 پروتسەنت شاماسىندا. سوندىقتان ماماندار سۇمدىقتىڭ ءبارى ءالى الدا دەيدى. ولار قاڭتار كۇردەلى اي بولاتىنىن بولجاپ وتىر. ياعني كەلەسى ايداعى كورسەتكىشتەر بۇدان دا ۇلكەن بولۋى مۇمكىن. سۇرانىستىڭ جوعارى بولۋىنا بايلانىستى ەلدە قازىر پ ت ر- تەست جەتىسپەي جاتىر.

ەلليس سەك، جەرگىلىكتى تۇرعىن:

- مەندە اۋرۋ بەلگىلەرى بايقالىپ وتىر. ءبىراق تەست تاپسىرا الماي، الەككە تۇسكەنىمە ءبىر اپتا بولدى. ونسىز جۇمىسقا قايتا ورالا المايمىن. فرانسيادا تاۋلىكتىك ءوسىم 180 مىڭعا جۋىقتادى فرانسياداعى جاعداي تىپتەن قيىن. ساراپشىلار جاڭا جىلعا دەيىن تاۋلىكتىك ءوسىم 100 مىڭنان اساتىنىن بولجاعان ەدى. الايدا قازىرگىدەي احۋالدى ەشكىم كۇتپەسە كەرەك. مۇندا كەيىنگى تاۋلىكتە ۆيرۋس 180 مىڭ ادامنان انىقتالدى.

بيلىك ەكپەنىڭ ەكىنشى جانە بۋستەرلىك دوزا اراسىنداعى مەرزىمدى 3 ايعا دەيىن قىسقارتۋ شەشىمىن قابىلدادى. الداعى ۋاقىتتا ۆاكسينانىڭ ءتورتىنشى كومپونەنتى دە قاجەت بولۋى مۇمكىن ەكەنىن ەسكەرتەدى.

- مەن جاڭا جىلدى جاقىندارىممەن قارسى الامىن با دەپ ەدىم. الايدا وميكرون جوسپارىمىزدى بۇزدى. ويتكەنى دوستارىمىزدىڭ ۆيرۋس جۇقتىرعانى بەلگىلى بولدى.

- كوروناۆيرۋس كەسىرىنەن بيىل دا جاڭا جىلدى ادەتتەگىدەي اتاپ وتپەيتىنىمىز وكىنىشتى. ماسەلەن، پاريجدە مەرەكەلىك وتشاشۋ بولمايدى. الايدا امال جوق. وسىعان دا قاناعات دەپ، جاڭا جىلدى از ادام بولىپ جينالىپ قارسى الامىز. ەۋروپادا انتيرەكورد تىركەلىپ جاتىر ەۋروپانىڭ تاعى بىرنەشە ەلىندە انتيرەكورد تىركەلدى. ماسەلەن، ۇلى بريتانيادا ءبىر كۇندە ۆيرۋس 130 مىڭعا جۋىق ادامنان انىقتالدى. ستاتيستيكاعا سولتۇستىك يرلانديا مەن شوتلانديا كىرمەگەن. ۆيرۋس يتاليا، پورتۋگاليا مەن گرەكيا دا ءورشي تۇسكەن. گەرمانيادا اقپاندا 10 ميلليون ادام جۇمىسقا شىقپاي قالۋى مۇمكىن گەرمانياداعى جاعداي دا ءماز ەمەس. مۇندا وميكرون تەز تاراپ بارادى.
ساراپشىلاردىڭ ەسەپتەۋىنشە، اقپاندا وسى شتامم سالدارىنان 3 تەن 10 ميلليونعا دەيىن قىزمەتكەر جۇمىسقا شىقپاي، كارانتيندە بولۋى مۇمكىن. بۇل ەكونوميكاعا اۋىر سوققى بولارى ايتپاسا دا تۇسىنىكتى. پاندەميا كەسىرىنەن گەرمانيا بيۋدجەتى ايتارلىقتاي ازايعان. مەملەكەتتىك قارىز 1 تريلليون 400 ميلليارد ەۋروعا دەيىن ارتىپ كەتتى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى