اتىراۋ قالاسىنىڭ كوشەسىندە تۇلكى ءجۇر
بۇگىن الەۋمەتتىك جەلى مەن WhatsApp مەسسەندجەرىندە كوشەدە جۇرگەن تۇلكى تۋرالى ۆيدەو تارادى.
ۆيدەو اتىراۋ قالاسىنداعى ساۋدا ءۇيىنىڭ الدىندا تۇسىرىلگەن. وبلىستىق اڭشىلار مەن بالىقشىلار قوعامىنىڭ باس اڭشىسى الەكساندر يۆاسەنكونىڭ ايتۋىنشا، تۇلكى سەكىلدى جابايى اڭ قوزعالىسى كوپ قالاعا كىرمەيدى.
«تۇلكى وبا سەكىلدى قاۋىپتى ينفەكسيالىق اۋرۋلاردى تاراتاتىن اڭعا جاتادى. سوندىقتان، مۇنداي جابايى اڭنان ساق بولۋ كەرەك»، - دەيدى الەكساندر يۆاسەنكو.
ال، اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى مەرەكە شالحاروۆتىڭ پىكىرىنشە، بۇل قولدا ۇستالعان اڭ بولۋى مۇمكىن.
«دۇكەننىڭ ەسىگىنە كىرگىسى كەلگەن ارەكەتىنە قاراعاندا، جىلى جەر ىزدەگەن سەكىلدى. دالادا جۇرگەن اڭعا ۇقسامايدى. اتىراۋدا ەكزوتيكالىق جابايى جانۋارلاردى ۇيدە ۇستاۋدى جاقسى كورەتىندەر بار دەپ ەستىدىم. ال، قۇتىرۋ اۋرۋىنا شالدىقتى ما، جوق پا، ونى تەك زەرتحانالىق تالداۋ ارقىلى انىقتاۋعا بولادى»، - دەيدى ول.
ەسكە سالا كەتەلىك، بۇدان بۇرىن اتىراۋلىق اۋەسقوي بالىقشىلار جىلانعا ۇقساس بالىق ۇستاعانىن جازعان بولاتىنبىز.
