قازاقستاندا كولىك ءنومىرى كورىنبەي قالعان جۇرگىزۋشىلەرگە قانشا ايىپپۇل سالىنادى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كولىكتەگى مەملەكەتتىك تىركەۋ ءنومىرى قازاقستان رەسپۋبليكاسىنىڭ ۇلتتىق ستاندارتىنىڭ تالاپتارىنا سايكەس بولۋى ءتيىس.
«كولىك نومىرىندەگى ساندار مەن ارىپتەرگە باسقا جازۋ مەن «3D» سيمۆول تۇرىندەگى ەلەمەنتتەردى جابىستىرۋعا رۇقسات بەرىلمەيدى. بۇل ءنومىردىڭ كولوريمەتريالىق سيپاتتامالارىنىڭ ستاندارتىن بۇزۋ بولىپ سانالادى. سونداي-اق كولىك قوزعالىسى كەزىندە ءنومىر قار مەن كىردەن تازالانىپ تۇرۋى شارت»، - دەلىنگەن اقپاراتتا.
ەگەر كولىك ءنومىرى كورىنبەي قالسا جۇرگىزۋشىگە ق ر ا ق ب ت ك- ءنىڭ 590-بابى 1-بولىگى بويىنشا 5 ايلىق ەسەپتىك كورسەتكىش مولشەرىندە (14585 تەڭگە) ايىپپۇل سالىنادى.
