نۇر-سۇلتاندا تەرىس قىلىعى ءۇشىن جۇمىستان بوساتىلعان مۇعالىم قىزمەتىنە ورالدى
بۇل تۋرالى الماتى اۋداندىق سوتىنىڭ باسپا ءسوز قىزمەتى مالىمدەدى.
سوت جۇمىس بەرۋشى مۇعالىمگە ەڭبەك شارتىن بۇزۋ تۋرالى بۇيرىق بەرمەگەنىن، ەڭبەك زاڭىن بۇزۋ تۋرالى حابارلاما جىبەرمەگەنىن انىقتادى.
ازامات م. ديرەكتوردىڭ مۇعالىمنىڭ ءوز بالالارىنا جانە مەكتەپ وقۋشىلارىنا فيزيكالىق جانە پسيحيكالىق قىسىم كورسەتكەنى تۋرالى قىزمەتتىك جازباسى نەگىزىندە جاۋاپقا تارتىلعان. بۇل تۋرالى ديرەكتور مۇعالىمنىڭ بالالارىنىڭ اكەسىنەن بىلگەن.
«بۇل اقپاراتتىڭ دۇرىستىعى انىقتالعان جوق. الماتى اۋداندىق سوتىنىڭ شەشىمىمەن جۇمىستان بوساتۋ تۋرالى بۇيرىق زاڭسىز دەپ تانىلىپ، كۇشى جويىلدى. ول جۇمىسقا قايتا الىندى، ءۇش ايداعى جالاقىسى بەرىلدى. شەشىم زاڭدى كۇشىنە ەندى»، - دەلىنگەن سوت ۇكىمىندە.
