نۇر-سۇلتاندا ۇجىمدىق يممۋنيتەتتىڭ قالىپتاسپاۋ قاۋپى بار

بۇل تۋرالى قالانىڭ باس مەملەكەتتىك سانيتار دارىگەرى سارحات بەيسەنوۆا ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا نۇر-سۇلتان قالاسى بويىنشا ۆاكسينانىڭ ءبىرىنشى كومپونەنتىنىن 484 مىڭنان استام ازامات الىپ، يممۋنداۋدىڭ تولىق كۋرسىنان 454 مىڭ ادام ءوتتى. دەگەنمەن، مۇنى جەتكىلىكسىز دەپ سانايمىن جانە حالىق اراسىندا يممۋندىق قاباتتى ارتتىرۋ ءۇشىن ەكپە ناۋقانىن جالعاستىرۋ قاجەت»، - دەدى ول قالا اكىمدىگىندە وتكەن باسپا ءسوز ءماسليحاتىندا.

باس سانيتار دارىگەردىڭ دەرەگىنشە، 1-15-جەلتوقسان ارالىعىندا 12866 ادام ەكپە السا، 16-29 -جەلتوقسان ارالىعىندا ۆاكسيناتسيا قارقىنى تومەندەدى. ناقتى ايتقاندا 9949 ادام ەكپە سالدىردى.

«ۆاكسينا العان ادامدار سانىنىڭ تومەندەۋى ۇجىمدىق يممۋنيتەتتىڭ قالىپتاسپاي قالۋىنا الىپ كەلۋى جانە اۋرۋدىڭ ورشۋىنە تۇرتكى بولۋى مۇمكىن ەكەندىگىن اتاپ وتكىم كەلەدى. اسەردى ساقتاۋ ءۇشىن يممۋنداۋدان كەيىن ۋاقىت وتە كەلە قورعانىستىڭ السىرەۋىنەن رەۆاكسيناتسيا الۋ تالاپ ەتىلەدى»، - دەدى سارحات بەيسەنوۆا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى