قازاقستان الەمدەگى ەڭ باقىتتى بەس ەلدىڭ قاتارىنا ەندى

مۇنداي مالىمەتتەر Gallup International تاۋەلسىز زەرتتەۋ اگەنتتىگى حالىقارالىق قاۋىمداستىعىنىڭ جاھاندىق ساۋالناماسىندا كەلتىرىلگەن، - دەپ حابارلايدى Tengrinews.kz ءتىلشىسى finanz.ru سايتىنا سىلتەمە جاساپ.

باقىت يندەكسى - بۇل باقىتتى جانە باقىتسىز ادامدار اراسىنداعى ايىرماشىلىق. Gallup International ساۋالناماسىنا دۇنيەجۇزىندەگى 44 مەملەكەت پەن 41560 ادام قاتىستى.

ساۋالنامادا باقىت يندەكسىنىڭ ماكسيمالدى ءمانى كولۋمبيادا (+79 پايىز)، قازاقستاندا (+76)، البانيادا (+74)، مالايزيادا (+73) جانە ءازىربايجاندا (+70) تىركەلگەن.

باقىت يندەكسىنىڭ ەڭ تومەنگى ماندەرى اۋعانستاندا (+9)، گونكونگتا (+11)، يراكتا (+17)، رەسەيدە (+18) تىركەلدى.

زەرتتەۋ اۆتورلارىنىڭ ايتۋىنشا، ءداستۇرلى تۇردە لاتىن امەريكاسى، افريكا جانە شىعىس ازيا ەلدەرى تۇرعىنداردىڭ پىكىرىنشە ەڭ باقىتتى اۋماق بولىپ سانالادى. ال ەۋروپا، تاياۋ شىعىس جانە رەسەي ءارقاشان تومەنگى توپتا. جەتەكشى ەلدەر، سونىڭ ىشىندە ا ق ش، ۇلى بريتانيا جانە گەرمانيا ورتاشا الەمدىك دەڭگەيدەن ءسال تومەن ناتيجە كورسەتتى.

باقىت دەڭگەيى تابىس دەڭگەيىنە تىكەلەي بايلانىستى ەمەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى