الەمدەگى ەڭ جاس رەسپۋبليكا مەرزىمىنەن بۇرىن سايلاۋ وتەتىنىن جاريالادى
باربادوس پرەمەر-ءمينيسترى ميا موتتلي مەرزىمىنەن بۇرىن وتەتىن جالپى سايلاۋ 19- قاڭتاردا بولاتىنىن ايتتى. بۇرىن ۇلى بريتانيانىڭ كولونياسى بولعان ەل قازان ايىندا ساندرا مەيسوندى ەلدىڭ تۇڭعىش پرەزيدەنتى ەتىپ سايلادى، ول 30- قاراشادا رەسپۋبليكا باسشىسى رەتىندە انت بەردى.
مەرزىمىنەن بۇرىن سايلاۋ وتكىزۋ تۋرالى شەشىمدى تۇسىندىرەتىن ساياسي ۇندەۋدە موتتلي ءوز ۇكىمەتىنىڭ ەكونوميكالىق جانە قارجىلىق جەتىستىكتەرىن ايتتى جانە COVID-19 پاندەمياسىنىڭ ەلدىڭ ماڭىزدى تۋريستىك سەكتورىنا كەلتىرگەن زالالىنا قاراماستان، ەل ەكونوميكاسى قالپىنا كەلەدى دەپ مالىمدەدى.
موتتليدىڭ ءوزى باربادوس ەڭبەك پارتياسىنىڭ جەتەكشىسى جانە 2018-جىلدىڭ مامىرىندا بەس جىلدىق مەرزىمگە سايلاۋدا جەڭىسكە جەتكەن ەلدىڭ ءبىرىنشى ايەل پرەمەر-ءمينيسترى بولدى. باربادوس ەڭبەك پارتياسى 2018-جىلعى سايلاۋدا باربادوس پارلامەنتىنىڭ تومەنگى پالاتاسىنداعى بارلىق 30 ورىندى جەڭىپ الدى جانە قازىرگى ۋاقىتتا سول ورىنداردىڭ 29 ىن ساقتاپ قالدى.
داۋىس بەرۋ 19- قاڭتارعا، ال كانديداتتاردى ۇسىنۋ كۇنى 3- قاڭتارعا بەلگىلەنەدى.
بۇعان دەيىن باربادوس ەليزاۆەتا II بيلىگىنەن باس تارتىپ، رەسمي تۇردە رەسپۋبليكا بولدى. ەل تاۋەلسىزدىگىنىڭ 55 جىلدىعىنا ورايلاستىرىلعان شاراعا چارلز حانزادا مەن باربادوس ءانشىسى رياننا قاتىستى.
