ءتورت بالانى ورتتەن قۇتقارعان وقۋشى كولىك ءمىنىپ، پرەزيدەنتتەن العىس الدى

«سادوۆود» ساياجايىنىڭ اۋماعىندا ءورت كەزىندە بالالاردى قۇتقارىپ قالعان قوستاناي قالاسىنداعى №22 ورتا مەكتەپ وقۋشىسى ولەگ پيروگتىڭ ەرلىگى مەن باتىرلىعىنا العىس ايتتى.

«وسىنداي جاستا ناعىز ەرلىك جاسادىڭ، ەش ويلانباستان بالالارعا كومەككە كەلىپ، ۇلكەن قايعىنىڭ الدىن الدىڭ»، - دەپ جازدى مەملەكەت باسشىسى.

قاسىم- جومارت توقايەۆ ولەگتىڭ باتىرلىق ارەكەتى - رۋحىنىڭ بەرىكتىگى، بەي- جاي قاراماعانى جانە پاتريوتيزم كورىنىسى ەكەنىن اتاپ ءوتتى.

سونىمەن قاتار، ولەگ پيروگ ق ر توتەنشە جاعدايلار مينيسترلىگىنىڭ «ورتتە كورسەتكەن قايسارلىعى ءۇشىن» مەدالىمەن، ال ۆالەنتينا پيروگ ق ر ت ج م العىس حاتىمەن ماراپاتتالدى.

«Allur» كومپانيالار توبى مەملەكەت باسىشىسىنىڭ ۇندەۋىن قولداپ، جاس باتىرعا وتاندىق وندىرىستەگى Chevrolet Nexia اۆتوكولىگىنىڭ كىلتىن تابىس ەتتى.

«ءبىزدىڭ پرەزيدەنت قازاقستاندىقتاردىڭ وسىنداي باتىرلىق ارەكەتىن نازاردان تىس قالدىرمايدى جانە ۇنەمى باعالايدى. «Allur» كومپانياسى مەملەكەت باسشىسى - قاسىم- جومارت توقايەۆتىڭ ۇندەۋىن تولىقتاي قولدايدى. قازاق جەرى ءاردايىم ۇلى باتىرلارمەن داڭققا بولەنىپ كەلگەن، جانە بۇل جاس بالانىڭ ىستەگەن ءىسى - ناعىز ەرلىك، تاڭدانۋعا تۇرارلىق جانە بارىمىزگە ۇلگى!»، - دەدى «Allur» ك ت» ا ق ديرەكتورلار كەڭەسىنىڭ ءتوراعاسى اندرەي لاۆرەنتيەۆ.

اندرەي لاۆرەنتيەۆ بۇل سىيلىقتىڭ ولەگ پيروگتىڭ باتىرلىق ارەكەتىن جوعارى باعالاعان كاسىپورىننىڭ بارلىق قىزمەتكەرلەرى اتىنان ەكەنىن اتاپ ءوتتى. ەستەرىڭىزگە سالا كەتەيىك، قوستانايدا «سادوۆود» ساياجايىندا 5-سىنىپ وقۋشىسى ولەگ پيروگ ءتورت بالانى ورتتەن امان الىپ قالعان بولاتىن. قوستاناي وبلىسىنىڭ اكىمى ارحيمەد مۇحامبەتوۆ بالالاردى ورتتەن امان الىپ قالعان ولەگ پيروگوۆپەن كەزدەسىپ، ماراپاتتاعان ەدى. ورتتەن زارداپ شەككەن كوپبالالى وتباسىنا پاتەردىڭ كىلتىن تابىستادى.

اۆتور: اقبوپە ءابدراسۋل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى