سەمەي پوليگونىنىڭ ءبىر بولىگىن پايدالانۋعا قاشان رۇقسات بەرىلەدى
ورتالىق كوممۋنيكاتسيالار قىزمەتىندە وتكەن بريفينگىدە ۆەدومستۆو باسشىسىنا وسىنداي ماندەگى سۇراق قويىلدى.
«2015 -جىلى ەنەرگەتيكا مينيسترلىگى سەمەي پوليگونىنىڭ جەرىن اۋىل شارۋاشىلىعى ماقساتتا پايدالانۋعا تىيىم سالدى. بيىل ايماقتاعى كوپتەگەن اۋدانداردا اۋا مەن سۋدىڭ جاعدايى ادامدارعا قاۋىپ توندىرمەيتىنى تۋرالى حابارلاندى. بۇل سەمەي پوليگونىنىڭ جەرىن پايدالانۋعا سالىنعان تىيىمنىڭ الىپ تاستالاتىنىن بىلدىرە مە؟»، - دەپ سۇرادى ب ا ق وكىلى.
ءمينيستردىڭ سوزىنە قاراعاندا، اتالمىش ماسەلەنى رەتتەيتىن زاڭ جوباسى ق ل پ پارلامەنت ءماجىلىسىنىڭ قاراۋىندا جاتىر.
«قازىر ماجىلىستە ءبىزدىڭ مينيسترلىك جاڭادان جاساعان زاڭ جوباسى تالقىلانىپ جاتىر. بۇل وسى سەمەي پوليگونىن رەتتەيتىن زاڭ جوباسى بولماق. ءبىز ءتيىستى تالداۋ جۇمىستارىن جۇرگىزدىك. سول تالداۋدىڭ فاكتىلەرىنە سۇيەنسەك، جالپى سەمەي پوليگونىنىڭ كولەمى 18 مىڭ شارشى شاقىرىمدى قۇرايدى. سونىڭ جارتىسى اۋىل شارۋاشىلىق ماقساتتا پايدالانۋعا بەرۋگە بولاتىن نەمەسە تازا تەلىمدەر دەگەن ءسوز. ياعني، وسى زاڭ جوباسى ءماجىلىس پەن سەناتتان وتكەننەن كەيىن كورسەتىلگەن تەلىمدەر پايدالانۋعا بەرىلەدى دەگەن ءۇمىتىمىز بار»، - دەدى ەنەرگەتيكا ءمينيسترى.
اۆتور: ەسىمجان ناقتىباي
