قازاقستاندا فاميليا اۋىستىرۋدىڭ ءتارتىبى قانداي
تەك - ءار ادامنىڭ ومىرىندەگى اجىراماس كومپونەنت، ول تۋعاننان باستاپ ونىمەن بىرگە جۇرەدى جانە ونى وزگەرتۋ قاجەتتىلىگى نەمەسە نيەتى بولماسا، ءومىر بويى بىرگە جۇرەدى. تەگىنىڭ وزگەرۋىنە بايلانىستى، ونىڭ ىشىندە نەكە قيۋ نەمەسە نەكەنى بۇزۋ كەزىندە، سونداي-اق ۇلتتىق ءداستۇر بويىنشا جەكە كۋالىكتى قولدانۋ مەرزىمىنىڭ اياقتالۋىنا قاراماستان اۋىستىرۋ قاجەت بولاتىن جاعدايلار بار. ش ق و پوليتسيا دەپارتامەنتى تەك وزگەرتۋگە قاتىستى اقىل- كەڭەس بەردى. تەگىنىڭ وزگەرۋىنە بايلانىستى جەكە كۋالىكتى رەسىمدەۋ ءۇشىن تۇراقتى تىركەلگەن جەرى بويىنشا حالىققا قىزمەت كورسەتۋ ورتالىعىنا مىناداي قۇجاتتاردى ۇسىنا وتىرىپ جۇگىنۋ قاجەت:
- نەكە قيۋ (بۇزۋ) تۋرالى كۋالىك، انىقتامالىق دەرەكتەرىن اۋىستىرۋ تۋرالى كۋالىك (بولعان جاعدايدا)، زاڭدى كۇشىنە ەنگەن سوت شەشىمى (بولعان جاعدايدا) - اۋىستىرۋعا جاتاتىن جەكە كۋالىك، پاسپورت (بار بولسا) - مەملەكەتتىك باجدى تولەۋ تۋرالى قۇجات (مەملەكەتتىك باجدى تولەۋدەن بوساتىلعان تۇلعالار راستايتىن قۇجاتتاردى ۇسىنادى).
نەكە قيۋ نەمەسە بۇزۋ كەزىندە تاڭدالعان تەگى نەكە قيۋ (بۇزۋ) تۋرالى كۋالىكتەگى جازباعا سايكەس كورسەتىلەدى.
«نەكە جانە وتباسى تۋرالى» كودەكسكە سايكەس، نەكەنى قيۋ نەمەسە بۇزۋ كەزىندە جەكە كۋالىكتى نەكەگە تۇرۋ نەمەسە بۇزۋ تۋرالى كۋالىكتى العان ساتتەن باستاپ 30 كۇن ىشىندە اۋىستىرۋ قاجەت. قازاقستان ازاماتى جەكە كۋالىگىن كورسەتىلگەن مەرزىمنەن كەش رەسىمدەگەن جاعدايدا اكىمشىلىك قۇقىق بۇزۋ كودەكسىنىڭ 492-بابى بويىنشا 7 ا ە ك مولشەرىندە ايىپپۇل تولەيدى.
