داۋلەت تۇرلىحانوۆ جاڭا قىزمەتكە تاعايىندالدى
كۇرەس فەدەراتسياسىنىڭ كەزەكتەن تىس كونفەرەنسياسىندا سپورت قۇرىلىمىنىڭ ەكس-پرەزيدەنتى ەرلان قوجاسباي قىزمەتىنەن كەتۋ تۋرالى شەشىم قابىلداپ، داۋلەت تۇرلىحانوۆتىڭ كانديداتۋراسىن ۇسىندى. كونفەرەنسياعا قاتىسۋشىلاردىڭ ءبىراۋىزدان قابىلداعان شەشىمىمەن تۇرلىحانوۆ فەدەراتسيا پرەزيدەنتى بولىپ سايلاندى.
ايتا كەتەرلىگى، بۇعان دەيىن تۇرلىحانوۆ اتالعان فەدەراتسيانىڭ ۆيتسە-پرەزيدەنتى قىزمەتىن اتقارعان. داۋلەت تۇرلىحانوۆ - كەڭەستىك جانە قازاقستاندىق گرەك-ريم كۇرەسىنىڭ بالۋانى، ك س ر و-نىڭ ەڭبەك سىڭىرگەن سپورت شەبەرى (1989)، قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى.
سونىمەن قاتار، داۋلەت تۇرلىحانوۆ 1989 -جىلعى الەم چەمپيونى جانە 1993 -جىلعى الەم ۆيتسە-چەمپيونى، 1995 -جىلعى ەۋروپا جانە ازيا چەمپيونى، وليمپيادانىڭ كۇمىس (1988) جانە قولا (1992) جۇلدەگەرى، سەگىز دۇركىن ك س ر و چەمپيونى بولعان.
