تايسون تەڭدەسسىز دەپ تانىلدى

الىپتار كوشىن WBC نۇسقاسى بويىنشا الەم چەمپيونى تايسون فيۋري باستاپ تۇر. 33 جاستاعى ۇلى بريتانيانىڭ ماقتانىشى كاسىپقوي رينگتە 32 كەزدەسۋ وتكىزىپ، 31 رەت جەڭىسكە جەتتى. 22 قارسىلاسىن ۇرىپ جىقتى. تاعى ءبىر باسەكەدە تەڭ ءتۇستى. ياعني ءوز كارەراسىندا ول بىردە- ءبىر رەت جەڭىلگەن جوق.

ەكىنشى ورىندا - الەكساندر ۋسيك. بۇعان دەيىن ءبىرىنشى اۋىر سالماقتا كۇش سىناسىپ، قارسىلاس شاق كەلتىرمەگەن 34 جاستاعى ۋكراينالىق بوكسشى 2019 -جىلدان بەرى الىپتارمەن ايقاسۋدى قۇپ كوردى. سول ارالىقتا WBA super، WBO، IBF جانە IBO نۇسقالارىنىڭ التىن بەلبەۋلەرىن الىپ تا ۇلگەردى. چەمپيوندىق باسەكەدە ءدال سول ۋسيكتەن ۇتىلعان ۇلى بريتانيالىق ەنتوني دجوشۋا ءۇشىنشى ورىنعا تۇراقتادى. سونداي- اق دەونتەي ۋايلدەر (ا ق ش)، ديلليان ۋايت (ۇلى بريتانيا)، دجوزەف دجويس (ۇلى بريتانيا)، دجوزەف پاركەر (جاڭا زەلانديا)، ەندي رۋيس (ا ق ش)، لۋيس ورتيس (كۋبا) جانە فرەنك سانچەس (كۋبا) سىندى گۇرزى جۇدىرىقتى جىگىتتەر ۇزدىك وندىقتىڭ قاتارىنا ەندى.

قازاقستاننىڭ بوكسشىلارى اراسىندا ەڭ ءتاۋىر ناتيجە جان كوسوبۋتسكيگە تيەسىلى. 33 جاستاعى جەرلەسىمىز قازىردە 37-ورىندى يەلەنۋدە. 31 جاستاعى يۆان دىچكو 55-ساتىعا جايعاستى. ءبىر ايتا كەتەرلىگى، بۇل بوكسشىلاردىڭ ەكەۋى دە قوستاناي وبلىسىنىڭ تۋمالارى.

عالىم سۇلەيمەن

egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى