ەلىمىزدە بۇلان باسى ءۇش ەسە كوبەيدى
تۇرقى بيىك جانۋاردىڭ قازاقستان بويىنشا سانى 6555-كە جەتكەن. ياعني، ءۇش ەسە ءوسىپ وتىر. ولاردىڭ كوبى قازىر شىعىس قازاقستان اۋماعىن مەكەندەيدى.
بۇل - ەڭ ءىرى سۇتقورەكتى جانۋار. بۇعىلار تۇقىمداسىنا جاتادى. ءورىس اۋىستىرىپ، اۋىپ جۇرەدى. تەڭىز دەڭگەيىنەن 2 جارىم مىڭ مەتر بيىكتىككە دەيىن كوتەرىلىپ، جايىلا بەرەدى. جالپى بۇلان تۋندرانى، سول سەكىلدى ورماندى القاپتاردى مەكەندەيدى. ءبىزدىڭ ەلدە التايدى ورلەپ، سولتۇستىك پەن ارقاعا دەيىن كەلۋى مۇمكىن. دەرەك بويىنشا، جايىق پەن ەرتىستى بويلاي كوشەدى. اڭشىلاردىڭ ايتۋىنشا، بۇلاندار رەسەيدەگى ورمان ورتىنەن قاشىپ كەلگەن بولۋى مۇمكىن.
