تاعامنىڭ ءدامىن ەكران ارقىلى تاراتاتىن تەلەديدار جاسالدى

بۇل تۋرالى The Guardian حابارلادى.

مياسيتا بۇل ءۇشىن تەلەديدارعا ارناپ Taste the TV دەپ اتالاتىن قۇرىلعى جاسادى. ونىڭ قۇرامىندا ءارتۇرلى حوش يىستەندىرگىشتەردىڭ 10 تۇتىگى بار. بۇل «دامدەر» تەلەديداردا كورسەتىلگەن تاعامنىڭ ءدامىن جاساۋ ءۇشىن قاجەت. سودان كەيىن الىنعان ءدام تەلەديدار ەكرانىندا گيگيەنالىق پلەنكاعا سۇيىقتىق تۇرىندە قۇيىلادى. تاماقتىڭ ءدامىن سەزىنۋ ءۇشىن پلەنكانى جالاۋ كەرەك.

«ماقسات - كورەرمەننىڭ الەمنىڭ قيىر تۇكپىرىندەگى مەيرامحاناعا ءوزى بارعانداي سەزىنۋ»، - دەيدى جوبا اۆتورى.

جاپون پروفەسسورى 30 ستۋدەنتتەن تۇراتىن كوماندامەن جۇمىس ىستەپ، دامگە قاتىستى كوپتەگەن قۇرىلعىلاردى جاساپ شىعاردى. Taste the TV جاساۋ ءۇشىن ءبىر جىل قاجەت كەتكەن. عالىم قۇرىلعىنىڭ كوممەرتسيالىق نۇسقاسىن شىعارۋدى جولعا قويسا، ونى 100 مىڭ يەنگە (378747 تەڭگە) ساتىپ الا الاتىنىن ايتتى.

مياسيتا بولاشاقتا تاعام دايىنداۋ بويىنشا قاشىقتىقتان وقىتۋ باعدارلاماسىن، سونىمەن قاتار دامگە بايلانىستى ويىندار مەن ۆيكتورينالاردى ازىرلەۋدى جوسپارلاپ وتىر.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى