بەيجىڭدە قىسقى وليمپيادا ويىندارى قارساڭىندا كوروناۆيرۋسقا قارسى شارالار كۇشەيتىلدى

بۇل تۋرالى جۇما كۇنى بەيجىڭ قالاسى ۇكىمەتىنىڭ رەسمي وكىلى سيۋي حەجيان ءمالىم ەتتى، دەپ حابارلايدى «قازاقپارات» ح ا ا ءتىلشىسى.

سيۋي حەجياننىڭ ايتۋىنشا، پەكين اكىمشىلىگى COVID-19-دىڭ الدىن الۋ جانە باقىلاۋ شارالارىن قايتا قاراپ، تۇرعىنداردى الداعى مەرەكەلەرى - جاڭا جىل مەن كوكتەم مەرەكەسىن ق ح ر استاناسىندا وتكىزۋگە شاقىردى. جەرگىلىكتى بيلىك كاسىپورىندارعا الداعى مەرەكەلەر كەزىندە ءوز قىزمەتكەرلەرىنە يكەمدى جۇمىس كەستەسىن ەنگىزۋدى ۇسىندى.

وتباسىلىق مەرەكەلەردى 10 ادامعا دەيىن شەكتەۋ، سونداي-اق بەيجىڭدە كونفەرەنسيالار مەن وقۋ ءىس-شارالارىنىڭ وتكىزىلۋىن قاتاڭ باقىلاۋ تۋرالى جاريالاندى. ساياباقتار، مۇراجايلار، كىتاپحانالار، كينوتەاترلار جانە باسقا دا قوعامدىق ورىنداردىڭ تولۋى %75 دان اسپاۋى ءتيىس.

ەستەرىڭىزگە سالا كەتەيىك، وتكەن بەيسەنبىدە 13 ميلليون حالقى بار شيان قالاسىندا قىسقى وليمپيادا ويىندارىنىڭ اشىلۋىنا 40 كۇن قالعاندا لوكداۋن ەنگىزىلدى. 9-جەلتوقساننان باستاپ قىتايدىڭ وسى مەگاپوليسىندە كوروناۆيرۋس ينفەكسياسىنىڭ 200-دەن استام جاعدايى انىقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى