شىعىس قازاقستاندا بىرەگەي ارحەولوگيا مۋزەيى اشىلادى
بەستەرەك اۋىلىندا بوي كوتەرەتىن جاڭا مۋزەيدىڭ قۇرىلىس جۇمىستارى اياقتالۋعا جاقىن.
بۇل ەلدى مەكەن كەزدەيسوق تاڭدالعان جوق. ويتكەنى ءدال وسى جەردە اتاقتى قازاقستاندىق ارحەولوگ زەينوللا ساماشيەۆ دۇنيەگە كەلگەن.
«ارحەولوگيا سالاسىندا سەنساتسيالىق جاڭالىقتار اشقان زەينوللا ساماشيەۆ بەرەل قورعاندارىنان، ەلەكە سازى جايلاۋىنان جانە اقباۋىر شاتقالىنان تابىلعان بىرەگەي ولجالارمەن كوپكە تانىمال. ول شىعىس قازاقستانداعى عىلىمي-زەرتتەۋ جۇمىستارىنىڭ دامۋىنا زور ۇلەس قوسىپ كەلەدى. وسى سيرەك جادىگەرلەرمەن قالىڭ جۇرتشىلىقتى تانىستىرۋ ءۇشىن مۋزەي سالۋ تۋرالى شەشىم قابىلدانعان»، - دەدى ۇلان اۋدانىنىڭ اكىمى رەنات قۇرمامبايەۆ.
سونداي-اق بۇل ارحەولوگيا مۋزەيى عالىمداردىڭ سەمينارلار مەن كەزدەسۋلەر وتكىزەتىن، عىلىمي جۇمىستارىن ۇسىناتىن ورىنعا اينالماق.
مۋزەي قۇرىلىسىنا بيىل 170 ميلليون تەڭگە قاراجات بولىنگەن.
