دانيار ەلەۋسىنوۆكە جاڭا اتاق بەرىلدى
وبلىس اكىمى عالي ەسقاليەۆ ورال قالاسىندا ءوتىپ جاتقان بوكستان قازاقستان چەمپيوناتىندا بوكسشىعا لەنتا مەن توسبەلگى تابىس ەتتى.
دانيار ەلەۋسىنوۆ - باتىس قازاقستاننىڭ تۋماسى. 2016-جىلى برازيليادا وتكەن وليمپيادا ويىندارىنىڭ چەمپيونى - ورالعا ءجيى كەلەتىن قوناق. ونىڭ وليمپياداداعى جەڭىسىنە وراي وقۋشىلار سارايىندا دانيار ەلەۋسىنوۆ اتىنداعى بوكس ورتالىعى اشىلعان. وندا جۇزدەگەن باتىس قازاقستاندىق سپورتشى شەبەرلىگىن شىڭدايدى.
«دانيار ەلەۋسىنوۆ - وسكەلەڭ ۇرپاق ءۇشىن ۇلگى. ونى ب ق و قۇرمەتتى ازاماتى اتاعىمەن قۇتتىقتاپ، جاڭا جەتىستىكتەر تىلەيمىن»، - دەدى ب ق و اكىمى عالي ەسقاليەۆ.
دانيار ەلەۋسىنوۆ قازاقستاندىقتارعا قولداۋ كورسەتكەنى ءۇشىن العىس ايتتى.
«وتە قۋانىشتىمىن. ورالداعى چەمپيونات جاقسى ۇيىمداستىرىلعان، بولاشاعىنان ءۇمىت كۇتتىرەتىن جاس بوكسشىلار وتە كوپ. قۇرمەتتى ازامات اتاعى - جەرلەستەرىمنىڭ ماعان كورسەتكەن قۇرمەتى. ولارعا راقمەت. جاقىندا تاعى ءبىر جەكپە-جەك وتكىزدىم، 12 راۋندتا جەڭۋگە تۋرا كەلدى»، - دەدى ول.
ەسكە سالايىق، جاقىندا نۇر-سۇلتاندا وتكەن جەكپە-جەكتە دانيار ارگەنتينالىق حۋان ەرنان لەاونى جەڭىپ، IBO بويىنشا ورتا سالماقتا الەم چەمپيونى اتانعان ەدى.
