قازاقستان مەن شەتەل تەلەارنالارىندا «بەيمالىم قازاقستان» دەرەكتى فيلمى كورسەتىلەدى

«بەيمالىم قازاقستان» دەرەكتى فيلمىن «جاستارعا جول» قوعامدىق قورى ۇسىندى.

قازىرگى ۋاقىتتا ءتۇسىرىلىم تولىعىمەن اياقتالىپ، دەرەكتى فيلمنىڭ العاشقى ماۋسىمى كورەرمەن نازارىنا ۇسىنۋعا دايىن.

«قازاقستان» قوناقۇيىندە وتكەن دەرەكتى فيلمنىڭ كورسەتىلىمىنە قازاقستاندىق بەلگىلى قوعام جانە ساياسي قايراتكەرلەر، سونداي-اق، جوبانىڭ دەمەۋشىلەرى مەن حالىقارالىق سەرىكتەستەرى قاتىستى.

«جاستارعا جول» قوعامدىق قورىنىڭ پرەزيدەنتى رافاەل گاسانوۆتىڭ ايتۋىنشا، «بەيمالىم قازاقستان» - دەرەكتى فيلمنىڭ نۇسقاسىندا شىعارىلدى.

«فيلمنىڭ ءبىر ماۋسىمىنان 10 سەريا شىعادى. ءاربىر سەريادا قازاقستاننىڭ بەلگىسىز جەرلەرى تۋرالى ايتىلىپ، كورسەتىلەتىن بولادى. ەكىنشىدەن، ەلىمىزدىڭ تۇڭعىش پرەزيدەنتىنىڭ قولىمەن جاسالعان تاريحتى كورسەتۋ ماڭىزدى. ۇشىنشىدەن، ەلىمىزدى ەكران ارقىلى جاڭا فورماتتا كورسەتۋ بولسا، تورتىنشىدەن، دەرەكتى فيلم ءۇش تىلدە، ياعني، قازاق، ورىس جانە اعىلشىن تىلدەرىندە شىعادى. ءبىز حالىقارالىق ۇيىمدار مەن ديپلوماتيالىق ميسسيالاردىڭ ديپلوماتتارىمەن كەلىسسوزدەر جۇرگىزدىك ، ءبىزدىڭ فيلم ت م د جانە ا ق ش اۋماعىندا كورسەتىلەدى. مىنە، ءبىزدىڭ نەگىزگى ماقسات - وسى»، - دەدى رافاەل گاسانوۆ.

ايتا كەتەيىك، بۇرىنىراق «بەيمالىم قازاقستان» فيلمى «س ت ۆ» تەلەارناسىندا كورسەتىلگەن.

رافاەل گاسانوۆتىڭ ايتۋىنشا، دەرەكتى فيلمنىڭ جاڭا نۇسقاسى قازاقستاندىق جانە شەتەلدىك تەلەارنالاردا كورسەتىلەدى.

جىل سوڭىنا دەيىن العاشقى ون سەرياسى كورسەتىلىپ قالۋ كەرەك. جالعاسى كەلەسى جىلى بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى