الماتىداعى بالالار ۇيىندە پرەزيدەنتتىك شىرشا ءوتتى
«جانۇيا» جانە «SOS بالالار اۋىلىندا» پرەزيدەنتتىك شىرشا ءوتتى.
ەرجان باباقۇماروۆ پرەزيدەنت قاسىم-جومارت توقايەۆتىڭ اتىنان بالالارعا دەنساۋلىق، تابىس، جاقسى دوستار جانە تىلەكتەرىنىڭ ورىندالۋىن تىلەدى.
قالىپتاسقان جاقسى ءداستۇر بويىنشا قويىلىمعا قاتىسۋشىلار جاڭا جىلدىق شىرشانىڭ شامىن جاعىپ، اياز اتا مەن اقشاقارعا تىلەكتەرىن ءبىلدىردى.
«جانۇيا» كەشەنى 1999-جىلى قۇرىلعان جانە 350 تاربيەلەنۋشىگە ارنالعان. بۇل جەتىم جانە مۇمكىندىگى شەكتەۋلى بالالارعا ارنالعان بالاباقشا مەن تۇزەتۋ مەكتەبىن قامتيتىن ارنايى بالالار ءۇيى. وقىتۋ مەن تاربيەلەۋ ارنايى تۇزەتۋ باعدارلامالارى بويىنشا جۇرگىزىلەدى.
بالالاردى تاربيەلەۋدە تاجىريبەلى پەداگوگتار مەن پسيحولوگتار كومەكتەسەدى.
«الماتىداعى SOS بالالار اۋىلى» 1997-جىلى اشىلدى. قازىر 10 وتباسىلىق ۇيدە 65 بالا تۇرادى.
تاعى بەس وتباسى قالادا، «ينتەگراتسيالانعان وتباسىلاردا» بولەك تۇرادى. بۇل وتباسىلارداعى جەتكىنشەكتەر دە بالالار اۋىلىندا تۇراتىندار سياقتى قامقورلىق پەن قولداۋعا يە.
