الماتىدا جاڭا جىل مەرەكەسىنە وراي قانداي مادەني شارالار وتەدى

ونىڭ ىشىندە بالالارعا ارنالعان ەرتەڭگىلىكتەر، تەاتر قويلىمدارى، كونسەرتتەر بار، دەپ حابارلايدى قازاقپارات ءتىلشىسى.

جاڭا جىلعا ارنالعان مادەني ءىس- شارالاردىڭ باعدارلاماسىمەن الماتى قالالىق مادەنيەت باسقارماسىنىڭ Instagram پاراقشاسىنان تانىسۋعا بولادى. الماتى قالاسىنىڭ مادەنيەت باسقارماسى سانيتارلىق- ەپيدەميولوگيالىق جاعدايدىڭ شيەلەنىسۋىنە جانە «وميكرون» شتامىنىڭ تارالۋ قاۋپىنە بايلانىستى ساقتىق شارالارىن ساقتاۋدى ەسكە سالادى.

«الماتىلىقتارعا ۆاكسيناتسيانى جالعاستىرۋ كەرەك، ال بۇرىن ەگىلگەندەر ريەۆاكتسيناتسيادان ءوتۋ قاجەت. ۆاكتسيناتسيا پۋنكتەرى جۇمىسىن جالعاستىرادى»- دەلىنگەن جازبادا.

ايتا كەتەيىك، 20-جەلتوقسان كۇنى الماتىدا باس شىرشانىڭ شامدارى جاعىلدى. جاڭا جىلدىڭ باستى سيمۆولىنىڭ بيىكتىگى - 20 مەتر. باس شىرشا جارىقديود گيرلياندالارمەن، جاڭاجىلدىق ويىنشىقتارمەن بەزەندىرىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى