قاراعاندىلىق جاستار اراسىنداعى پوەزيالىق جەكپە- جەك ناتيجەسى جاريالاندى

شىعارماشىلىق جەكپە- جەكتى جاستار ساياساتى ماسەلەلەرى جونىندەگى باسقارما ۇيىمداستىردى. بايقاۋعا بارلىعى 20 جاس اقىن قاتىستى. ولار قازىلار القاسىنا ءۇش شىعارمادان ۇسىندى. ولاردىڭ ءبىرى ەل تاۋەلسىزدىگىنىڭ 30 جىلدىعى تاقىرىبىنا ارنالدى، سودان كەيىن وفلاين- فورماتتا ءوز ولەڭدەرىنىڭ ءبىرىن وقىدى.

ناتيجەسىندە، ءبىرىنشى ورىندى جەزقازعان قالاسىنىڭ مۋزىكالىق كوللەدجىنىڭ 4-كۋرس ستۋدەنتى ءمادي ولجاباي يەلەندى. ەكىنشى ورىندا - قازتۇتىنۋوداعى قاراعاندى ۋنيۆەرسيتەتىنىڭ 2-كۋرس وقۋشىسى جانەركە كادەربەك. ءۇشىنشى ورىندى قاراعاندى ۋنيۆەرسيتەتىنىڭ 4-كۋرس ستۋدەنتى جانە ءبىرىنشى كۋرس ستۋدەنتى بەكتاس جۇمان مەن تىلەۋجان قامىسپايەۆ ءوزارا ءبولىستى.

«مەن بەسىنشى سىنىپتان باستاپ ولەڭ جازامىن. «اناعا ارناۋ» اتتى العاشقى ولەڭىم اناما ارنادىم. بايقاۋعا ءۇش تۋىندى ۇسىندىم - «مەن قازاقپىن» ، «اباي - ءبىر الەم» جانە «كەشىرشى، جانىم». ال فينالدا «سەن مەنى.. .» جانە «مەن عاشىق بولا الماي ءجۇرمىن» ولەڭدەرىن وقىدىم. جەڭىسكە جەتكەنىمە قۋانىشتىمىن. وسى بايقاۋعا دەيىن دە بەلگىلى ءبىر جەتىستىكتەرگە جەتكەن ەدىم - وبلىستىق كونكۋرستاردا ەكى رەت گران- پري الدىم، سونداي- اق اۋداندىق اباي وقۋلارىندا ءبىرىنشى بولدىم»، - دەدى ءمادي ولجاباي.

بايقاۋ قاتىسۋشىلارىنا العىس حاتتار مەن ارنايى مۇسىنشەلەر تابىستالدى. جەڭىمپازدار ديپلوممەن جانە اقشالاي سەرتيفيكاتتارمەن ماراپاتتالدى. ۇزدىك ولەڭدەر Facebook جانە Instagram الەۋمەتتىك جەلىلەرىندە جاريالانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى