كوكتايعاق، تۇمان، بۇرقاسىن: جۇما كۇنگى اۋا رايى
وڭتۇستىك وڭىرلەردە جاۋىن- شاشىن جاڭبىر جانە قار تۇرىندە بولادى. ەلدىڭ تەك باتىسىندا جاۋىن- شاشىنسىز اۋا رايى بولجانادى. سونداي- اق رەسپۋبليكا بويىنشا تۇمان، كوكتايعاق، ەكپىندى جەل كۇتىلەدى.
سولتۇستىك- باتىستا، سولتۇستىكتە، شىعىستا جانە ورتالىقتا جاياۋ بۇرقاسىن جۇرەدى، دەپ حابارلايدى قازاقپارات.
اتاپ ايتقاندا، «قازگيدرومەت» ر م ك مالىمەتىنشە، سولتۇستىك قازاقستان وبلىسىنىڭ وڭتۇستىگىندە، سولتۇستىگىندە جانە شىعىسىندا بۇرقاسىن، كوكتايعاق، 15-20 م/س ەكپىندەگى جەل كۇتىلەدى. ءوڭىردىڭ وڭتۇستىگى مەن شىعىسىندا جەلدىڭ كۇشى 23-28 م/س ارتادى. پاۆلودار وبلىسىنىڭ باتىسىندا - بۇرقاسىن مەن كوكتايعاق، ءوڭىردىڭ سولتۇستىگى مەن باتىسىندا 15-20 م/س ەكپىندەگى جەل بولجانادى.
قاراعاندى وبلىسىنىڭ وڭتۇستىگىندە - تۇمان، تۇندە سولتۇستىگى مەن ورتالىعىندا - جاياۋ بۇرقاسىن، كوكتايعاق، سولتۇستىگى مەن شىعىسىندا 15-20 م/س ەكپىندە جەل كۇتىلەدى.
شىعىس قازاقستان وبلىسىنىڭ سولتۇستىك- باتىسىندا، باتىسىندا - جاياۋ بۇرقاسىن، كوكتايعاق، ءوڭىردىڭ باتىسى مەن وڭتۇستىگىندە - تۇمان، تۇندە باتىسى مەن ورتالىعىندا 15-20 م/س ەكپىندە جەل بولادى.
جامبىل وبلىسىنىڭ سولتۇستىگى مەن تاۋلى اۋداندارىندا كوكتايعاق، تۇمان كۇتىلەدى. كۇندىز ءوڭىردىڭ باتىسىندا، سولتۇستىك- شىعىسىندا 15-20 م/س ەكپىندە جەل تۇرادى. اقمولا وبلىسىنىڭ سولتۇستىگى مەن وڭتۇستىك- شىعىسىندا - جاياۋ بۇرقاسىن، تۇمان، سولتۇستىگى مەن شىعىسىندا 15-20 م/س جىلدامدىقتا جەل كۇتىلەدى.
تۇندە اتىراۋ وبلىسىنىڭ وڭتۇستىگىن تۇمان باسادى. ماڭعىستاۋ وبلىسىنىڭ وڭتۇستىگىندە كوكتايعاق بولجانادى. قوستاناي وبلىسىنىڭ وڭتۇستىگىندە - تۇمان، تۇندە وبلىستىڭ سولتۇستىگى مەن شىعىسىندا - جاياۋ بۇرقاسىن، سولتۇستىگىندە 15-20 م/س ەكپىندە كۇتىلەدى.
الماتى وبلىسىنىڭ الاكول ماڭىندا 17-22 م/س جىلدامدىقتا جەل تۇرادى. تۇركىستان وبلىسىنىڭ باتىسىندا جانە تاۋلى اۋداندارىندا تۇمان بولادى، تاۋلى اسۋلارىندا 15-20 م/س كۇشپەن جەل سوعادى.
