ۆاكسينا الماعان وقۋشىلار مەن ستۋدەنتتەر قاشىقتان وقيدى دەگەن اقپارات – جالعان
وسىعان ۇقساس تاعى ءبىر حابارلامادا تەمىرتاۋلىق مەكتەپتە ءۇشىنشى توقساندا COVID-19-عا قارسى ەكپە الماعانداردى ساباققا جىبەرمەۋ ءۇشىن بالالار مەن اتا- انالار تۋرالى مالىمەت جيناپ جاتقانى ايتىلعان. سانيتاريالىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ بۇعان قاتىستى پىكىرىن ءبىلدىردى. ونىڭ اتاپ وتۋىنشە، ق ر جانە ش ق و باس مەملەكەتتىك سانيتاريا دارىگەرلەرىنىڭ قاۋلىلارىندا ۆاكسينا الماعان ستۋدەنتتەردى مەكەمەگە جىبەرۋگە تىيىم سالۋ تۋرالى تالاپ قاراستىرىلماعان.
- ش ق و ءبىلىم باسقارماسى باسشىسىنىڭ ايتۋىنشا، اتالعان فاكتى انىقتالعاننان كەيىن كوللەدج ديرەكتورىمەن ءتۇسىندىرۋ جۇمىستارى جۇرگىزىلدى. ناتيجەسىندە ۆاكسيناتسيالانباعان ستۋدەنتتەردى قاشىقتان وقىتۋدى ۇيىمداستىرۋ تۋرالى بۇيرىق جويىلدى. بۇگىنگى تاڭدا بۇل - وبلىستاعى مەكتەپتەر مەن كوللەدجدەردە ورىن العان جالعىز فاكتى، - دەدى ەرجان بايتانايەۆ.
سونداي- اق، ونىڭ ايتۋىنشا، ۆاكتسيناتسيالانباعان وقۋشىلاردى قاشىقتان وقىتۋ فورماتىنا اۋىستىرۋ تۋرالى حابارلامالار ويدان شىعارىلعان جانە نەگىزسىز.
- قازاقستان رەسپۋبليكاسىنىڭ جانە قاراعاندى وبلىسىنىڭ باس مەملەكەتتىك سانيتاريا دارىگەرلەرىنىڭ قاۋلىلارىندا ەگىلمەگەن وقۋشىلاردى ءبىلىم ۇيىمدارىنا جىبەرۋگە تىيىم سالۋ تۋرالى تالاپ جوق. بۇل رەتتە ق ر باس مەملەكەتتىك سانيتاريا دارىگەرىنىڭ 2021 -جىلعى 20 -قازانداعى №46 قاۋلىسىنىڭ 5-تارماعىنا سايكەس دەنساۋلىق ساقتاۋ باسقارماسى ءبىلىم باسقارماسىمەن بىرلەسىپ، ۆاكسينانىڭ قاجەتتى كولەمىن ەسەپتەۋ ءۇشىن تىزىمدەر جاساي وتىرىپ، ك ۆ ي- گە قارسى ۆاكسيناتسيالاۋعا جاتاتىن ادامدار تۋرالى دەرەكتەردى الدىن الا جيناۋدى (اقپاراتتاندىرىلعان كەلىسىمدى ەسكەرە وتىرىپ) قامتاماسىز ەتۋى ءتيىس، - دەدى سانيتاريالىق- ەپيدەميولوگيالىق باقىلاۋ كوميتەتىنىڭ رەسمي وكىلى.
دەمەك، ەگىلمەگەن ستۋدەنتتەر مەن مەكتەپ وقۋشىلارىن قاشىقتان وقىتۋ فورماتىنا اۋىستىرۋ تۋرالى حابارلامالار شىنايى ەمەس. ق ر باس مەملەكەتتىك سانيتاريا دارىگەرىنىڭ قاۋلىسىندا مۇنداي تالاپتار جوق.
