توتەنشە جاعدايلار ءمينيسترى قازاقستاندىقتارعا ۇندەۋ جاسادى

ءمينيستردىڭ ايتۋىنشا، جاڭا جىل قارساڭىندا قۇتقارۋ بولىمشەلەرى كۇشەيتىلگەن قىزمەت تۇرىنە جانە جوعارى دايىندىققا كوشكەن.

«قىس باستالعالى بەرى 173 ەسكەرتۋ جاريالانعان، رەسپۋبليكالىق جانە وبلىستىق ماڭىزى بار اۆتوجولدار 35 رەت جابىلعان، اۆتوكولىكتەردىڭ جۇرۋىنە التى رەت شەكتەۋ قويىلعان. قابىلدانعان شارالارعا قاراماستان، قۇتقارۋشىلار 27 ادام، ونىڭ ىشىندە 3 بالانى قۇتقارىپ، 74 ادامدى، ونىڭ ىشىندە 12 بالانى ەۆاكۋاتسيالاعان»، - دەدى يلين وكق بريفينگىندە.

ۆەدومستۆو باسشىسى قازاقستاندىقتارعا اۋا رايى ناشارلاپ، جول جابىلاتىنى تۋرالى حابارلامالاردى ەسكەرمەۋىنە قاتىستى ۇندەۋ جاسادى.

«ءوز ومىرىڭىزگە، جولاۋشىلار ومىرىنە قاۋىپ توندىرۋگە بولمايدى. Darmen قوسىمشاسىن قولدانىڭىز، وندا توتەنشە جاعداي مەن داۋىل تۋرالى اقپارات بەرىلەدى. الىس جولعا شىعار الدىندا جۇرگىزۋشىلەرگە كولىكتىڭ تەحنيكالىق جاي- كۇيىنە كوز جەتكىزىپ، اۋا رايىنا بايلانىستى كيىنۋ قاجەت»، - دەپ تولىقتىردى يۋري يلين.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى