الماتىعا وميكرون شتامى كەلەتىنى ءسوزسىز - جانداربەك بەكشين
وڭىرلىك كوممۋنيكاتسيالار قىزمەتىنىڭ باسپا ءسوز ءماسليحاتىندا الماتى قالاسىنىڭ باس سانيتاريا دارىگەرى جانداربەك بەكشين حالىق كوپ جينالاتىن ورىندارعا بارماۋدى، مەرەكەنى وتباسىمەن تويلاۋدى ۇسىندى.
«جاڭاجىلدىق مەرەكە كوروناۆيرۋستىڭ تارالۋىنا سەبەپ بولماۋى كەرەك»، - دەدى ول.
باس سانيتاريا دارىگەر مەگاپوليستە ۇجىمدىق يممۋنيتەتتىڭ دەڭگەيى 58,4 پايىز ەكەنىن، ادامدار تولىق ۆاكسيناتسيالانباعانشا، مەگاپوليستە مۋتاتسيالانعان شتامداردىڭ پايدا بولۋ قاۋپى ارتاتىنىن ەسكەرتتى.
بەكشيننىڭ بولجامى بويىنشا الماتىدا وميكرون شتامىنىڭ تولقىنى ءسوزسىز بولادى.
«2022 -جىل قاڭتار ايىنىڭ ورتاسىندا دەلتانى ىعىستىراتىن وميكرون شتامى كەلەدى دەگەن بولجام بار. بەسىنشى تولقىن وسى جىلدىڭ ناۋرىز ايىنىڭ ورتاسىندا شارىقتاۋ شەگىنە جەتەدى»، - دەدى ول.
بەكشين وميكرون شتامىن العا الۋ ءۇشىن قورعانىستىڭ تيىمدىلىگى 50 پايىزعا ارتتىرۋ كەرەك دەدى. ول ءۇشىن تۇرعىندارعا رەۆاكسيناتسيالاۋدى جەدەلدەتۋ قاجەت دەپ سانايدى.
سونداي-اق، قازىرگى ۋاقىتتا الماتى قالاسىندا كۆي بويىنشا ەپيدەميولوگيالىق جاعداي تۇراقتى ەكەنىن راستادى.
«قازىر تاۋلىگىنە 30-35 جۇقتىرۋ جاعدايى تىركەلەدى، ءبىراق بۇل بوساڭسۋعا سەبەپ ەمەس. وميكرون شتامى بۇكىل الەمدە تەز تارالىپ جاتىر، قازىردىڭ وزىندە الەمنىڭ 106 ەلىندە انىقتالعان. ءتىپتى ۇجىمدىق يممۋنيتەت جوعارى ەلدەردە انىقتالدى. جاڭا نۇسقادان تولىق قورعاۋ ءۇشىن ۆاكسيناتسيانىڭ تولىق كۋرسى قاجەت. ريەۆاكسيناتسيا دا ۇسىنىلادى»، - دەدى بەكشين.
ول قالادا شەتەلدەن كەلەتىندەرگە قاتىستى پروفيلاكتيكالىق شارالار كۇشەيتىلگەنىن ايتتى. ونىڭ ايتۋىنشا، 3-20-جەلتوقسان ارالىعىندا الماتىعا 50 مىڭعا جۋىق ادام كەلگەن، ونىڭ ىشىندە 29,7 مىڭى پ ت ر تالداۋىمەن، 20 مىڭى ۆاكسيناتسيا پاسپورتىمەن، ونىڭ ىشىندە وميكرون شتامى تىركەلگەن ەلدەردەن كەلگەندەر 2300 ادام.
«بارلىق كەلگەن ازاماتتار ءبىر اپتا بويى وقشاۋلاندى، تولىقتاي مەديتسينالىق باقىلاۋعا الىندى. ولاردىڭ ىشىندە 5 ناۋقاستا ك ۆ ي انىقتالدى، ولار جۇقپالى اۋرۋلار اۋرۋحاناسىنا جاتقىزىلدى. ايتپاقشى، جولاۋشىلاردىڭ 90 پايىزعا جۋىعى گەرمانيادان، مىسىردان، ۇلى بريتانيادان كەلدى»، - دەپ قوستى ول.
Tengrinews.kz
