الماتىدا «قاسىمنىڭ اندەرى-اي» اتتى جيناقتىڭ تۇساۋى كەسىلدى

ءان-جيناق قازاق پوەزياسىنىڭ كورنەكتى وكىلى، داۋىلپاز اقىن قاسىم امانجولوۆتىڭ تۋعانىنا 110 جىل تولۋىنا وراي جارىق كوردى، دەپ حابارلايدى قازاقپارات ءتىلشىسى.

شاراعا بەلگىلى ونەر جانە قوعام قايراتكەرلەرى، زيالى قاۋىم وكىلدەرى قاتىستى.

اتى اڭىزعا اينالعان حاس تالانتتىڭ مەرەيتويىنا ارناپ شىعارىلعان ەلەكتروندى تاسپاعا بۇرىن جانە جاڭا جازىلعان جيىرما ءتورت ءان ەنگىزىلگەن.

شارا اياسىندا جيناقتىڭ دەمەۋشىسى رىمبالا وماربەكوۆا ق ر ۇلتتىق كىتاپحاناسى ءوز ريزاشىلىعىن ءبىلدىرىپ، كىتاپحانا قورىنا «قاسىم تاعلىمى»، «ءبىر نازىك ساۋلە» جانە قاسىم امانجولوۆ بيبليوگرافيالىق كورسەتكىشىن سىيعا تارتتى.

بيىل قاسىم امانجولوۆتىڭ مەرەيتويىنا وراي ەلىمىز بويىنشا ءتۇرلى ءىس-شارالار ءوتتى.

«قاسىم امانجولوۆ - قازاق پوەزياسىندا توڭكەرىس جاساعان تۇلعا. ادام جانىنا ءۇڭىلۋ، ونىڭ ىشكى ءيىرىم، قايىرىمدارىنا ارنالعان نازىك ليريكالارى قازاق پوەزياسىندا جاڭا باعىتتى تۋعىزۋعا اسەر ەتكەن الىپ تۇلعا»، - دەدى اقىن، قازاقستاننىڭ ەڭبەك سىڭىرگەن قايراتكەرى ءجۇرسىن ەرمان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى