قىزىلاعاش سۋ قويماسى قايتا قالپىنا كەلتىرىلدى
ەستەرىڭىزگە سالا كەتەيىك، 2010-جىلدىڭ ناۋرىز ايىندا كوكتەمگى سۋ تاسقىنى سالدارىنان قويما تولىعىمەن بۇزىلعان بولاتىن. تەك ۇزىندىعى 263 مەتر توننەلدىك سۋ شىعارۋ جۇيەسى عانا ساقتالدى.
قالپىنا كەلتىرۋ جۇمىسى 2016-جىلدان بەرى جۇرگىزىلىپ كەلەدى. وسى جوبا بويىنشا باس مەردىگەر - «قازسۋشار» ر م ك الماتى فيليالى. تەحنيكالىق قاداعالاۋدى «Stroy ينجينيرينگ» ج ش س، اۆتورلىق قاداعالاۋدى - «كازگيپروۆودحوز ينستيتۋتى» و ك جۇرگىزدى.
جوبا قۇنى-5,6 ميلليارد تەڭگە. سۋ قويمادا بوگەت قالپىنا كەلتىرىلىپ، توننەلدىك سۋ جىبەرىلدى.
سۋ جيناعىش گيدروتوراپ سالىندى. گيدروتوراپ پەن بوگەتتى اۆتوماتتاندىرۋ جانە بەينەباقىلاۋ جۇمىستارى جۇرگىزىلدى. سونداي-اق، ديسپەتچەر بولمەسى بار ەكى پاتەرلى ءۇش تۇرعىن ءۇيدىڭ، جاساندى قۇرىلىستارى بار ەكسپلۋاتاتسيالىق جولدىڭ قۇرىلىسى جۇزەگە اسىرىلدى.
سۋ جيناعىش سۋ تورابى مەن بوگەتتى ەلەكترمەن جابدىقتالدى. سۋ تورابى مەن بوگەتتى سۋمەن جابدىقتاۋ جانە كارىز جۇيەسى قامتاماسىز ەتىلدى.
«كازگيپروۆودحوز» و ك جوبالاۋ ينستيتۋتىنىڭ ۇسىنىستارىنا سايكەس 2020-جىلدان باستاپ سۋ قويماسىندا سۋدىڭ سىناق جيناعى جۇرگىزىلۋدە. وڭ سىناق قورىتىندىسى بويىنشا 2022-جىلى نىسان پايدالانۋعا بەرىلەدى.
جوبانىڭ ماقساتى - تولىق سىيىمدىلىعى 42,65 ميلليون m 3 سۋ قويماسىن، 1,4 مىڭ گ ا القاپتاعى قولدانىستاعى سۋارمالى جەرلەردىڭ سۋمەن قامتاماسىز ەتىلۋىن ارتتىرۋ جانە جالپى سۋارۋ الاڭىن 6,7 مىڭ گ ا دەيىن جەتكىزە وتىرىپ، جاڭا سۋارمالى جەرلەردىڭ 5,3 مىڭ گ ا ءوسىمىن ارتتىرۋ ءۇشىن سۋ تورابىن جانە سول جاعالاۋ ارناسىنىڭ باس بولىگىن قالپىنا كەلتىرۋ.
بۇل ءوز كەزەگىندە اقسۋ اۋدانىنىڭ الەۋمەتتىك-ەكونوميكالىق دامۋىنا وڭ اسەر ەتەدى. جاڭا جۇمىس ورىندارى قۇرىلادى، حالىقتى جۇمىسپەن قامتۋ دەڭگەيى ارتادى. سۋ قويماسىنىڭ تولىق سىيىمدىلىعى 42,65 ميلليون m 3، پايدالى سىيىمدىلىعى - 36,95 ميلليون m 3 قۇرايدى.
سۋ قويماسىنىڭ جوبالىق سۋارۋ قابىلەتى - 6680 گ ا، ونىڭ ىشىندە سول جاعالاۋدا - 3610 گ ا، وڭ جاعالاۋدا - 2193 گ ا، ونىڭ ىشىندە 5,3 مىڭ گ ا جاڭا جەرلەر.
ايتا كەتەيىك، قىزىلاعاش سۋارۋ القابىن يگەرۋ الماتى وبلىسىنىڭ دامۋ سىزباسىنا ەنگىزىلگەن بولاتىن.
1993-جىلى ۇزىندىعى 1,8 ك م ماگيسترالدى قۇبىر جەلىسى جانە 1420 گ ا سۋارمالى الابى بار سۋ قويماسى مەن سۋ تورابىنىڭ قۇرىلىسى اياقتالدى.
2012-جىلى قىزىلاعاش سۋ قويماسى ورتالىق ۋاكىلەتتى ورگانداردىڭ كەلىسىمى بويىنشا (ق ر ا ش م سۋ رەسۋرستارى كوميتەتى، ق ر ق م مەملەكەتتىك مۇلىك جانە جەكەشەلەندىرۋ كوميتەتى) الماتى وبلىسى اكىمدىگىنىڭ قاۋلىسىمەن «قازسۋشار» ر م ك بالانسىنا رەسپۋبليكالىق مەنشىككە بەرىلدى.
ودان كەيىن «قازسۋشار» ر م ك الماتى فيليالى سۋ قويماسىنا دەيىن ۇزىندىعى 12 ك م اۆتوموبيل جولى مەن ۇزىندىعى 16 ك م ەلەكتر بەرۋ جەلىسىن سالدى.
