قازاقستان قۇراماسى كاراتەدەن ازيا چەمپيونى اتاندى
قازاقستاندىق كاراتەشىلەر فينالدا يران قۇراماسىمەن سىنعا ءتۇستى.
قازاقستاندىقتار ءۇش يراندىق قارسىلاسىن جەڭىپ، كومانداسىنا جەڭىس اپەردى.
بۇدان بۇرىن قازاقستان ايەلدەر قۇراماسى كوماندالىق سىندا قولا جۇلدەگە يە بولعان ەدى. كىشى فينالدا ولار يراندىقتاردى جەڭدى.
قازاقستان نامىسىن سوفيا بەرۋلتسيەۆا، سابينا زاحاروۆا جانە ءمولدىر جاڭبىرباي قورعادى. وعان قوسا توكيو وليمپياداسىنىڭ جۇلدەگەرى س. بەرۋلتسيەۆا جەكەلەي سىندا كۇمىس مەدالعا قول جەتكىزدى.
ول فينالدا جاپونيالىق يۋدزۋكي ساۆايعا ەسە جىبەردى.
ەسكە سالا كەتەيىك، بۇدان بۇرىن كاراتەدەن ءمولدىر جاڭبىرباي مەن اندرەي اقتاۋوۆتىڭ ازيا چەمپيوندارى اتانعانىن جازعان بولاتىنبىز.
