اقتوتى رايىمقۇلوۆا اۋىر اتلەتيكا باپكەرلەرىنىڭ اراسىنداعى جانجال تۋرالى پىكىر ءبىلدىردى
ورتالىق كوممۋنيكاتسيالار قىزمەتىندە وتكەن بريفينگىدە باق وكىلدەرى مادەنيەت جانە سپورت مينيسترىنە ءوزى بارىپ تاعايىنداپ كەتكەن اۋىر اتلەتيكا باس باپكەرىنىڭ نەگە قازىر جۇمىس ىستەمەي جاتقانىن سۇرادى.
«تالدىقورعاندا وتكەن رەسپۋبليكالىق چەمپيوناتتان كەيىن بۇكىل وبلىستاردىڭ باس باپكەرلەرىمەن وتىرىس بولدى. سولارمەن اقىلداسا وتىرىپ، داۋرەن بەكماحامبەتوۆ دەگەن ازاماتتى باس باپكەر بولۋعا لايىقتى دەپ ەسەپتەدىك. جالپى، زاڭ بويىنشا جانە رەگلامەنتكە سايكەس ءبىزدىڭ بۇل ۇسىنىمىزدى فەدەراتسيا ءوز اتىنان ۇلتتىق وليمپيادالىق كوميتەتپەن بىرگە مينيسترلىكتىڭ سپورت كوميتەتىندە ۇسىنىس رەتىندە بەرۋى كەرەك»، - دەگەن مينيستر جۋرناليستەردى بۇل ماسەلە جىل اياعىنا دەيىن شەشىمىن تاباتىنىنا سەندىردى.
«سونىمەن قاتار، وسى سۇراق ءبىز جىل اياعىندا اۋىر اتلەتيكا فەدەراتسياسىندا وتەتىن كونفەرەنسيادا دا قاراستىرىلادى دەپ وتىرمىز. بۇل ماسەلە جىل سوڭىنا دەيىن شەشىلەدى دەپ ويلايمىن. جالپى ءبارى زاڭ بويىنشا، رەت- رەتىمەن كەلە جاتىر»، - دەدى ۆەدومستۆو باسشىسى.
اۆتور: ەسىمجان ناقتىباي
