بەيجىڭدەگى قىسقى وليمپيادا ويىندارىنا نەشە ليسەنزيا الۋ جوسپارلانعان

بۇل پحنچحانداعى كورسەتكىشتەن جوعارى، دەپ حابارلايدى قازاقپارات ءتىلشىسى.

بۇل تۋرالى ق ر مادەنيەت جانە سپورت ۆيتسە- ءمينيسترى سەرىك جاراسبايەۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«ءيا، ەندى ەكى ايدان كەيىن ءبىزدىڭ سپورتشىلار قىتايدىڭ بەيجىڭ قالاسىندا وتەتىن 2022 -جىلعى قىسقى وليمپيادا ويىندارىنا قاتىسادى. ءبىزدىڭ ۇلتتىق قۇراما تولىق قۇرامدا دايىندالىپ جاتىر. ازىرگە سپورتشىلارىمىز 8 سپورت تۇرىنەن 60 تان استام ليتسەنزيا ۇتىپ الدى. وسىنىڭ الدىنداعى پحنچحان قالاسىنداعى ويىندارمەن سالىستىرساق، وندا 58 ليتسەنزيا بولعان ەدى. بياتلون، شاڭعى جارىسى، «فريستايل موگۋل»، شاڭعى قوسسايىسى سياقتى سپورت تۇرلەرىنەن ليتسەنزيالىق جارىستاردىڭ اياقتالۋىن كۇتىپ وتىرمىز. بۇل سايىستاردا دا سپورتشىلارىمىز ليتسەنزياعا تالاسادى»،- دەدى ۆيتسە- مينيستر.

ونىڭ ايتۋىنشا، ليتسەنزياعا تالاس 17- قاڭتاردا اياقتالاتىنىن ەسكەرسەك، قازاقستاندىق سپورتشىلاردىڭ ليتسەنزيا سانىن كوبەيتۋگە تولىق مۇمكىندىگى بار.

«ليتسەنزيانى ساراپقا سالۋ دەدلاينى 16-17- قاڭتارعا دەيىن دەپ بەلگىلەنگەن. سپورتشىلارىمىز ەۋروپا جانە وزگە دە ەلدەردە ءوتىپ جاتقان ءىرى حالىقارالىق جارىستارعا قاتىسىپ، ليتسەنزياعا بەلسەندى تالاسىپ جاتىر. وسى ماۋسىمنىڭ باسىنداعى ناتيجەلەرىن قاراساق، تاعى دا كوبىرەك ليتسەنزيا الامىز دەگەن ءۇمىت بار»، - دەدى سەرىك جاراسبايەۆ.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى