جەزقازعاندا ەلىمىزدە قۇراستىرىلعان جاڭا اۆتوبۋستار جولعا شىقتى

جاڭا اۆتوبۋستار ءتورت قالالىق مارشرۋتقا قىزمەت ەتەدى- № 1, 3, 6, 8. جەزقازعاندىقتار جاڭا كولىكتىڭ جايلىلىعىنا وڭ باعا بەردى.

«اۆتوبۋستار زاماناۋي، ساران قالاسىنداعى «QazTehna» ج ش س زاۋىتىندا جاسالعان. ولار «ەۆرو-5» ستاندارتىنا سايكەس كەلەدى، بەينەباقىلاۋمەن، پاندۋستاردى كوتەرۋ جۇيەلەرىمەن، كونديتسيونەرلەرمەن جابدىقتالعان. ءبىر اۆتوبۋستىڭ سىيىمدىلىعى - 51 ادام»، - دەدى جەزقازعان قالاسىنىڭ تۇرعىن ءۇي- كوممۋنالدىق شارۋاشىلىق جانە اۆتوموبيل جولدارى ءبولىمى باسشىسىنىڭ ورىنباسارى اسلان ارىنوۆ. جەزقازعاندا بارلىعى 13 مارشرۋت بار - 9 قالالىق جانە 4 قالا ماڭى.

«بولاشاقتا ءبىز قالادا ONAY ەلەكتروندى جولاقى تولەۋ جۇيەسىن ىسكە قوسۋدى جوسپارلاپ وتىرمىز. بارلىق جاڭا اۆتوبۋستار ساندىق جۇيەلەرمەن جانە GPS- قۇرىلعىلارمەن جابدىقتالعان. بۇل City-Bus ءموبيلدى قوسىمشاسىن ازىرلەۋگە جانە قولدانىسقا ەنگىزۋگە مۇمكىندىك بەرەدى، ول ارقىلى تۇرعىندار قوعامدىق كولىكتىڭ قوزعالىسى تۋرالى اقپارات الا الادى»، - دەيدى اسلان ارىنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى