بالالار ادەبيەتىنىڭ اۆتورلارى ا ق ش باسپاسىمەن كەلىسىمگە وتىردى
«مەن امەريكالىق Amazon Publishing باسپا ۇيىنەن قۇتتىقتاۋ الدىم! سەبەبى ەندى ليليا كالاۋس ەكەۋمىز - وسى باسپانىڭ اۆتورلارىمىز! جاڭا عانا امازوننىڭ بالالار بولىمىمەن كەلىسىمگە وتىردىق. 2022 -جىلى باتۋ مەن ونىڭ دوستارى التىن توستاعاندى ا ق ش- تا اعىلشىن تىلىندە ىزدەيتىن بولادى» ، - دەپ جازدى زيرا ناۋرىزبايەۆا Facebook-تە.
«شىنىمدى ايتسام، بۇل جوبانى قازاقستاندىق بالالارعا ارناپ باستاعان ەدىم. ءبىزدىڭ مادەني ەرەكشەلىكتەرىمىزدى كورسەتەتىن كىتاپتار شەتەلدىك وقىرمانعا قىزىقتى بولادى دەپ ويلاپپىن»، - دەدى ول.
كەزىندە ليليا ەكەۋمىز كىتاپتىڭ ءبىرىنشى ءبولىمىنىڭ قازاق تىلىنە اۋدارىلۋىن قارجىلاندىردىق. قالعان ەكى كىتاپتى دا اۋدارۋ مۇمكىندىگى بولادى دەپ ۇمىتتەنەمىن، دەپ ءبولىستى اۆتور.
«باتۋ مەن ونىڭ دوستارىنىڭ وقيعالارى - شىتىرمان وقيعالى پوۆەستەر. وندا زاماناۋي قازاقستاندىق بالالار سيقىرلى قازاق ميفولوگياسى الەمىنە ساپار شەگەدى. كىتاپ كەيىپكەرلەرى - الماتىلىق بەسىنشى سىنىپ وقۋشىلارى. ولار «التىن توستاعاندى ىزدەۋ: باتۋ مەن ونىڭ دوستارىنىڭ باستان كەشكەندەرى» دەگەن ءبىرىنشى كىتاپتا ش ق و- عا، دەگەلەڭگە، قوڭىر اۋليە ۇڭگىرىنە بارادى. ەكىنشى كىتاپتا بارساكەلمەسكە، ءۇشىنشى كىتاپتا ايدالا ەلىنە ساپار شەگەدى. جاڭا جىلدا بارلىق كىتاپتار @melomankz-كە قوسىلادى. كەلەسى اپتادا نۇر- سۇلتان قالاسىندا، شامامەن 25 -جەلتوقساندا ساعات 14:00-دە تانىستىرىلىمى وتەدى»، - دەدى زيرا ناۋرىزبايەۆا.
