الەم چەمپيونى اتانعان ەلەۋسىنوۆتىڭ ەسىمى وتاندىق بوكس تاريحىنا ەندى

ەلەۋسىنوۆ كاسىپقوي بوكستا الەم چەمپيونى تيتۋلىن جەڭىپ العان قازاقستاندىق 5-بوكسشى بولىپ وتىر.

د. ەلەۋسىنوۆ ح. لەالمەن وتكەن جەكپە-جەكتە جارتىلاي ورتا سالماقتا IBO نىڭ ۆاكانتتى بەلدىگىن جەڭىپ الدى.

بۇعان دەيىن قازاقستان بوكسشىلارى اراسىنان الەم چەمپيونى اتانعاندار: ۆاسيلي جيروۆ (38-3-1، 22 ك و)، گەننادي گولوۆكين (41-1-1، 36 ك و)، جانات جاقيانوۆ (27-2، 18 ك و) جانە بەيبىت شۇمەنوۆ (18-2، 12 ك و).

ولاردىڭ اراسىندا بۇگىندە كاسىپقوي بوكستا مانسابىن جالعاستىرىپ جاتقانى - 39 جاستاعى گەننادي گولوۆكين.

ول ورتا سالماقتاعى IBF جانە IBO بەلدىكتەرىنە يە. ونىڭ الدىندا گولوۆكينگە WBA Super جانە WBC بەلدىكتەرى تيەسىلى بولعان ەدى.

ەسكە سالايىق، كەشە ەلوردادا ق ر تاۋەلسىزدىگىنىڭ 30 جىلدىق مەرەيتويىنا وراي كاسىپقوي بوكس كەشى ءوتتى.

وندا 14 قازاقستاندىق بوكسشى ونەرت كورسەتتى. كەشتىڭ باستى ايقاسى دانيار ەلەۋسىنوۆ پەن حۋان ەرنان لەال اراسىندا ءوتتى.

12 راۋندقا ەسەپتەلگەن جەكپە-جەك سوڭىنا دەيىن جالعاسىپ، تورەشىلەردىڭ شەشىمىمەن ەلەۋسىنوۆتىڭ جەڭىسىمەن اياقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى