الماتىدا جەلتوقسان وقيعاسىنىڭ قۇرباندارىن ەسكە الدى - فوتو
«تاۋەلسىزدىك تاڭى» ەسكەرتكىشىنە گۇل شوقتارىن قويىپ، جەلتوقسان وقيعاسىنىڭ قۇرباندارىنا تاعزىم ەتۋ ءراسىمى جاسالدى. بۇل شاراعا الماتى قالاسىنىڭ اكىمدىگىنىڭ باسشىلىعى، جانە جەلتوقساندىق ۇيىمداردىڭ جەتەكشىلەرى قاتىستى.
رەسمي شارا الدىمەن 1986 -جىلعى جەلتوقسان قۇرباندارىن ەسكە الۋ ءۇشىن ءبىر مينۋتتىق ۇنسىزدىكپەن باستالدى.
ءدىن وكىلدەرى قۇران باعىشتادى. وسىدان سوڭ جەلتوقسانشىلارعا ارنايى اس ۇيىمداستىرىلدى.
«تاۋەلسىزدىك تاڭى» مونۋمەنتى 2006 -جىلى تۇڭعىش پرەزيدەنت - ەلباسى ن. نازاربايەۆتىڭ قاتىسۋىمەن جەلتوقسان- ساتبايەۆ كوشەلەرىنىڭ قيلىسىندا اشىلدى. مەملەكەت باسشىسى قاسىم-جومارت توقايەۆتىڭ جەلتوقسانشىلاردىڭ ەرلىگىن ماڭگى ەستە قالدىرۋ تۋرالى تاپسىرماسىنا سايكەس الماتىدا سول وقيعالاردىڭ قۇرمەتىنە «جەلتوقسان» دەپ اتالاتىن ساياباق اشىلدى.
سونىمەن قاتار، وسى ساياباقتا ورناتىلاتىن ەسكەرتكىشتى دايىنداۋعا شىعارماشىلىق بايقاۋ جاريالاندى.
اۆتور: الما مۇقانوۆا
