قوجا احمەت ياساۋي كەسەنەسىنىڭ اۋماعىندا درون ۇشىرۋعا تىيىم سالىندى
قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2020 -جىلعى 31 -جەلتوقسانداعى ەلىمىزدەگى اۋە كەڭىستىگىندە پيلوتسىز ۇشۋ اپپاراتتارىن پايدالانۋ قاعيدالارىن بەكىتۋ تۋرالى № 706 بۇيرىعىنا سايكەس «ازىرەت سۇلتان» مەملەكەتتىك تاريحي- مادەني قورىق- مۋزەيى اۋماعىندا درون اپپاراتىن رۇقساتسىز ۇشىرۋعا بولمايدى.
«بۇل شەشىم حالىق كوپ شوعىرلاناتىن ايماقتىڭ قاۋىپسىزدىگى جانە تاريحي ەسكەرتكىشتەردى قورعاۋ ماقساتىندا جۇزەگە اسىپ وتىر»، - دەيدى «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ باسپا ءسوز حاتشىسى مادينا جۇماباي قىزى.
پيلوتسىز ۇشۋ اپپاراتىن كۇزەتىلەتىن وبەكتىلەردىڭ ۇستىنەن ۇشىرۋ ءۇشىن قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىمەن جانە مەملەكەتتىك كۇزەت قىزمەتىمەن كەمىندە 5 جۇمىس كۇنى بۇرىن ماقۇلدانۋى ءتيىس.
اۆتور: قايرات زاينيشيەۆ
