اتىراۋدا ترامادول ساتىپ جۇرگەن ايەل ۇستالدى
اتىراۋ وبلىستىق پوليتسيا دەپارتامەنتىنىڭ باستىعى قامزا ۇمبەتقالييەۆتىڭ ايتۋىنشا، 29-قاراشادا «دارمەك» ءىس- شاراسى كەزىندە ءدارىنى زاڭسىز ساتقان تۇرعىن انىقتالعان.
«ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى اتىراۋ قالاسىنداعى التاي كوشەسىندە 1977 -جىلى تۋعان ازاماتشانى ۇستادى. ونىڭ 100 دانا ترامادول مەن 63 دانا تراپيكامەد ءدارى- دارمەكتەرىن زاڭسىز ساتىپ جۇرگەنى بەلگىلى بولدى. قازىر ۇستالعان ازاماتشاعا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 426-بابىمەن (فارماتسيەۆتيكالىق قىزمەتتىڭ جانە دارىلىك زاتتاردىڭ، مەديتسينالىق ماقساتتاعى بۇيىمدار مەن مەديتسينالىق تەحنيكالىق اينالىسى سالاسىنىڭ قاعيدالارىن بۇزۋ) تولتىرىلعان ءىس- قۇجاتتارى مەديتسينالىق جانە فارماتسيەۆتيكالىق باقىلاۋ كوميتەتىنىڭ وبلىستىق دەپارتامەنتىنە شەشىم قابىلداۋ ءۇشىن جولداندى»، - دەيدى قامزا ۇمبەتقاليەۆ.
ەسكە سالا كەتەلىك، بۇدان بۇرىن اتىراۋ وبلىسىنىڭ تۇرعىنى 1 كەلىگە جۋىق ەسىرتكىمەن ۇستالعانىن جازعان ەدىك.
